افينى وليمپياداسىنىڭ كۇمىس جۇلدەگەرى كولىك جوندەپ كۇنەلتىپ ءجۇر
بۇل تۋرالى alaman.kz سايتى حابارلايدى.
سەرگەي 1975 -جىلى الماتى وبلىسى، قاراتال اۋدانىنا قاراستى ۇشتوبە اۋىلىندا دۇنيەگە كەلگەن. اۋىر اتلەتيكاعا قىزىققان سەرگەي 9 جاسىنان باستاپ سپورتتىڭ وسى تۇرىمەن دەن قويىپ اينالىسا باستادى. 1995 -جىلى ەۆروپا چەمپيوناتىندا التىن ەنشىلەسە، 1998 -جىلى بانكونگتەگى ازيا ويىندارىندا قولا، 2002 -جىلى پۋسانداعى ازيا ويىندارىندا التىن الىپ ەل مەرەيىن ۇستەم ەتتى.
سەرگەي قازاقستان قۇراماسىنىڭ افينى وليمپياداسىنداعى باستى ۇمىتتەرىنىڭ ءبىرى بولدى. ول سول ءۇمىتتى اقتادى دەسەك تە بولعانداي. تورتكۇل دۇنيە باس قوسقان الاماندا وزا شاۋىپ، كۇمىس جۇلدەنى قانجىعاعا بايلادى. اۋىر اتلەتيكادان قازاقستاننىڭ ايتارى بار ەكەنىن سەرگەي سول ۋاقىتتا-اق الەمگە ايقىنداپ بەرگەن.
الايدا، وسىدان سوڭ سەرگەي قيىن جاعدايلاردى باستان كەشتى. 2005 -جىلى تامىز ايىندا كولىگىمەن كەلە جاتىپ، جول اپاتى ورىن الىپ 23 جاستاعى جاس جىگىتتىڭ ولىمىنە سەبەپشى بولادى. كەشىرىمىن الىپ، تەمىر توردان قۇتىلعانىمەن فيزيكالىق ءارى پسيحولوگيالىق تۇرعىدان كۇيرەپ ءبىراز ۋاقىت ەلدەن جىراققا كەتەدى.
2007 -جىلى ەلگە ورالىپ، اۋىر اتلەتيكاعا قايتا ورالماقشى بولعانىمەن، ەسكى جاراقاتتارى قايتا سىر بەرىپ اتلەتتىڭ ادىمىن اشتىرمايدى. قازىر سەرگەي فيليمونوۆ تالدىقورعاندا كولىك جوندەۋ مەكەمەلەرىنىڭ بىرىندە جۇمىس ىستەپ، تابىس تاۋىپ ءجۇر. تاعدىردىڭ تولقىنى كەشەگى چەمپيوندى وسىلايشا باسقا ارناعا سالىپ قويا بەردى.
دەرەككوز: Stan.kz
