ايگىلى فۋتبولشى يوحان كرويف ومىردەن ءوتتى

استانا. قازاقپارات - «FIFA TOP-100» تۇجىرىمداماسى بويىنشا ⅩⅩ عاسىرداعى ەڭ ۇزدىك فۋتبولشىلار تىزىمىندە پەلەدەن كەيىن ەكىنشى ورىن العان نيدەرلاندى سپورتىنىڭ جارقىن جۇلدىزى يوحان كرويف 68 جاسىندا ومىردەن ءوتتى.

سوڭعى جىلدارى ي. كرويف قاتەرلى ىسىكپەن كۇرەسىپ كەلگەن ەدى. 1970 -جىلدارى يوحان كرويف ءۇش مارتە ەۋروپانىڭ ۇزدىك فۋتبولشىسى دەپ تانىلىپ، «التىن دوپتىڭ» يەگەرى بولعان ەدى. ول امستەردامنىڭ «اياكس» جانە كاتالونيالىق «بارسەلونا» كوماندالارىنىڭ جانە گوللانديا قۇراماسىنىڭ ساپىندا وينادى. 1988-1996 -جىلدارى «بارسەلونانى» جاتتىقتىردى، 1992 -جىلى كلۋب تاريحىندا تۇڭعىش رەت ەۋروپا چەمپيوندارىنىڭ كۋبوگىن جەڭىپ العان. سوڭعى سۇحباتىندا ول: «قاتەرلى ىسىكپەن تارتىستى كەزدەسۋدە 2:0 ەسەبىمەن الدا كەلەمىن، الايدا ماتچ ءالى اياقتالعان جوق»، دەگەن بولاتىن.