قازاقستاندىق ءانشى الەمگە ايگىلى مۋزىكانتپەن كەلىسىمشارت جاساستى
ءالي وتەگەنوۆ قازىرگى ۋاقىتتا Prince Ali NeAura دەگەن اتپەن تانىلىپ ءجۇر. شىمكەنتتە ومىرگە كەلگەن ول شىعارماشىلىق جولىن الماتىدا باستاعان. قازاقستاندىق ءتۇرلى شوۋدا باعىن سىناعان ول بايان ەسەنتايەۆامەن دە جۇمىس ىستەپ كورگەن ەكەن. دەگەنمەن بارلىعى ءساتسىز اياقتالىپتى. تۋعان اعاسى ءماديدىڭ ايتۋىنشا، ءالي وسىدان ءتورت جىل بۇرىن استىنداعى كولىگىن ساتىپ، امەريكانى باعىندىرۋعا اتتانعان. ول جاقتا ءانشى وسى ۋاقىتقا دەيىن مەيرامحانالاردا جانە كلۋبتاردا ونەر كورسەتىپ ءجۇرىپتى. وسىلايشا ول ءبىر جىل بۇرىن Cee-Lo Green-مەن كەزىگىپ، جاقىن ارادا ولار ءبىر جىلعا كەلىسىمشارت جاساسقان.
الەمگە تانىمال مۋزىكانتپەن جاسالعان كەلىسىمشارتتا بەينەباياندار ءتۇسىرۋ، ءانجيناق جازۋ سياقتى پۋنكتتەر قاراستىرىلعان ەكەن. Cee-Lo Green بۇعان دەيىن مۇنداي ىسپەن اينالىسپاعاندىقتان، ءالي ونىڭ العاشقى شاكىرتى بولىپ وتىر.
ايتا كەتەيىك، سي لو گرين (Cee Lo Green) دەگەن اتپەن تانىلىپ جۇرگەن توماس دەكارلو كوللەۆەي - امەريكالىق ءانشى، رەپەر، بىرنەشە ءاننىڭ اۆتورى. ول Goodie Mob اتتى حيپ- حوپ توپتىڭ مۇشەسى رەتىندە تانىلعان. سونىمەن قاتار، Cee Lo Green The Voice USA ("ا ق ش داۋىسى") شوۋىنداعى تالىمگەرلەردىڭ ءبىرى رەتىندە كوپشىلىككە تانىلدى.
