قانات يسلام: ماعان استانادا جەكپە-جەك وتكىزۋ ۇسىنىلدى، ءبىراق مەن ماياميدى تاڭدادىم
قانات يسلام رينگكە ماياميدە 8 -مامىردا شىعاتىنىن ايتتى. الداعى ۋاقىتتا ونىڭ قارسىلاسى بەلگىلى بولادى ەكەن.
ال وسىعان دەيىن يسلام قىتايدا جەكپە-جەك وتكىزەتىنىن ايتقان بولاتىن. بۇعان قاتىستى ول قىتايدا جەكپە- جەك وتكىزۋگە كەلىسسوزدەردىڭ ءجۇرىپ جاتقانىن حابارلادى. «بۇل باعىتتا جۇمىس جۇرگىزىلىپ جاتىر. قازىر مەن ماياميدە ۇلكەن بوكس كەشىن وتكىزۋگە دايىندالىپ جاتىرمىن. سودان كەيىن عانا قىتايدا جەكپە- جەك وتكىزۋ نۇسقاسىن قاراستىرامىز، سول جاقتا كەزدەسۋ وتەدى»، - دەدى ول.
ءتىلشىنىڭ «ءسىز قازاقستاندا كەزدەسۋ وتكىزۋگە قارسى ەمەس ەكەنىڭىزدى ايتقان ەدىڭىز، بۇل جايلى نە دەيسىز؟» دەگەن سۇراعىنا قانات يسلام استاناداعى كلۋبتان شاقىرتۋ كەلگەنىن ايتتى. «ءبىراق ولاردا دا بوكس كەشى مامىردا وتەدى، سوندىقتان ءبىز باس تارتىپ، ماياميدەگى كەزدەسۋدى تاڭدادىق. كەلەسى جەكپە- جەكتەردىڭ بىرىنە قاتىسامىز دەپ ويلايمىز»، - دەدى بوكسشى.
سونىمەن قاتار، قازاقستاندىق بوكسشى شاقىرتۋ الىپ جاتقان جاعدايدا وليمپيادا ويىندارىنا دا قاتىسىپ، ەل نامىسىن قورعاۋعا دايىن ەكەنىن ايتتى. ەگەر قازاقستاندا وعان قىزىعۋشىلىق تانىتسا، بوكسشى باسقا شارۋالارىنىڭ بارلىعىن جيىپ قويىپ، ريو- دە- جانەيروعا باراتىنىن مالىمدەدى.
