رونالدۋ مانسابىن اياقتاعان سوڭ كىم بولماق؟

 استانا. قازاقپارات - ايگىلى فۋتبولشى كريشتيانۋ رونالدۋ سپورتتىق مانسابىن اياقتاعاننان كەيىن ءبىرجولا ءسان الەمىنە موينىن بۇرماق. بۇل تۋرالى سپورتشى باتىستىق باسىلىمداردىڭ بىرىنە بەرگەن سۇقباتىندا ايتا كەتتى.

- ماعان ءسان الەمىندە جۇرگەن ۇنايدى. ىلعي سوڭعى ءسان ۇلگىسىمەن كيىنىپ، كورىكتى بولىپ جۇرگەنگە نە جەتسىن. ءتىپتى، شاشتىڭ ءوزى ساندەسەڭ عانا جاراسادى.

ءوزىمنىڭ جەكە برەندىم بارىنا قۋانامىن. بۇل - وتە كەرەمەت، جەكە برەندىم وزىمە ۇنايدى. ونى ودان ءارى دامىتقىم كەلەدى. سپورتتىق مانسابىمدى اياقتاعاننان كەيىن وسى ءسان الەمىنە ءبىرجولا كەلەمىن دەپ ويلايمىن، - دەدى.

 ايتا كەتەيىك، رونالدۋ مەن مادريدتىك «رەال» اراسىنداعى كەلىسىمشارت مەرزىمى 2018 -جىلى اياقتالادى. ال فۋتبولشىنىڭ ءوزى ءالى 5-6  جىل فۋتبول ويناۋعا شاماسى جەتەتىنىن وسىعان دەيىنگى سۇقباتتارىنىڭ بىرىندە ايتا كەتكەن بولاتىن.

massaget.kz