15:51, 24 - ناۋرىز 2016 | GMT +5
جۇزدەن استام تاسباقا مەن كەسىرتكەنى ماسكەۋگە وتكىزبەك بولعان
استانا. قازاقپارات - ماسكەۋدەگى دومودەدوۆو اۋەجايىندا بەيسەنبىگە قاراعان ءتۇنى جۇك ۇستالدى. وندا جۇزدەن استام تاسباقا مەن كەسىرتكەنى زاڭسىز ماسكەۋگە وتكىزبەك بولعان.
بۇل تۋرالى تاسس ەلوردالىق تابيعاتتى پايدالانۋ جانە قورشاعان ورتانى قورعاۋ دەپارتامەنتىنە سىلتەمە جاساپ حابارلادى.
"23 - ناۋرىزدان 24 - ناۋرىزعا قاراعان ءتۇنى دومودەدوۆو اۋەجايىندا جۇك ۇستالدى. وندا جۇزدەن استام تاسباقا مەن كەسىرتكەنى زاڭسىز وتكىزبەك بولعان. جانۋارلار تاركىلەنىپ دەپارتامەنتتىڭ ۋاقىتشا ۇستاۋ ورتالىعىنا جونەلتىلدى"، - دەپ اتاپ ءوتتى اگەنتتىكتىڭ اڭگىمەشىسى.
جانۋارلاردى قايدان تاسىمالداعانى ايتىلمادى. سونداي- اق ماماندار ونىڭ تۇرلەرىن، قىزىل كىتاپقا ەنگىزىلگەنىن نە ەنگىزىلمەگەنىن، حالىقارالىق كونۆەنسيالار بويىنشا قورعالا ما جوق پا - سونى انىقتايدى.
