ديەتاسىز قالاي ارىقتاۋعا بولادى؟

استانا. قازاقپارات - كوپتەگەن قىز- كەلىنشەكتەردىڭ قىس بويى قۇنارلى تاعامداردى تۇتىنىپ، كوكتەمگە قاراي ارتىق سالماق قوسىپ الاتىنى تاڭسىق ەمەس.

ال ءسىز اي ءمۇسىنىڭىزدى قايتا قالپىنا كەلتىرۋ ءۇشىن ەشبىر ديەتاسىز تەك سۋدىڭ كومەگىمەن ارىقتاۋعا بولاتىنىن بىلەسىز بە؟

ولاي بولسا، تىرشىلىكتىڭ كوزىنە بالايتىن سۋدىڭ سىرىمەن تانىس بولىڭىز دەپ جازادى anabol.kz سايتى.

راسىندا ادام اعزاسىنىڭ 70-80 پايىزى سۋدان تۇرادى. سوندىقتان سۋدىڭ ءبىزدىڭ ومىرىمىزدەگى ورنى ايرىقشا رولگە يە. ءبىراق سۋدىڭ سۇلۋلىعىمىزعا قوساتىن سۇبەلى ۇلەسىن قاپەردەن شىعارىپ جاتاتىنىمىز وكىنىشتى.

امەريكالىق دارىگەردىڭ زەرتتەۋ جۇمىستارى بويىنشا سۋدى از ىشەتىن ادامداردىڭ تەرىسى تەز قارتايىپ، ءاجىم تۇسەدى ەكەن. سونداي- اق، كۇنىنە 2-25 ليتر سۋ ىشپەيتىن ادامدار تولۋعا بەيىم تۇرادى- مىس.

 ال ەندى سۋدىڭ كومەگىمەن ارىقتاۋدىڭ جولدارىنا ۇڭىلەيىك. رەسەيلىك ديەتولوگتار ايەلدەردى ارتىق سالماقتان ارىلتۋ ءۇشىن سۋمەن ءىس- تاجىريبە جۇرگىزىپتى.

ماماندار ولارعا تاڭەرتەڭ اشقارىنعا ەكى ستاقان سالقىن سۋ ءىشۋدى مىندەتتەگەن. ارادا 20 مينۋت وتكەن سوڭ عانا تاڭعى استى ىشۋگە كەڭەس بەرگەن. وسىلايشا، ايەلدەر تۇسكى، بەسىن، كەشكى استىڭ الدىندا مىندەتتى تۇردە 2 ستاقان سۋ ءىشىپ وتىرعان.

ەكى اپتاعا سوزىلعان ەمدىك شارانىڭ ارقاسىندا ءىس- تاجىريبەگە قاتىسقان نازىك جاندىلاردىڭ بارلىعى 3-4 كەلىگە ارىقتاعان.

بۇدان بولەك، ولاردىڭ بەت تەرىلەرى نارلەنىپ، بويلارىنداعى قويۋلانعان قاندارى سۇيىلا تۇسكەن كورىنەدى. ەندەشە، ءسىز بەن ءبىز دە كۇندەلىكتى 2-3 ليتر سۋ ءىشۋدى ادەتكە اينالدىرساق، ارتىق مايدان ارىلىپ قانا قويماي، دەنساۋلىعىمىزدى دا جاقسارتا الادى ەكەنبىز.