اتىراۋدا وتاندىق كيىم ۇلگىلەرى ۇسىنىلعان ءسان اپتالىعى وتۋدە

استانا. قازاقپارات - اتىراۋدا قازاقستاندىق ديزاينەرلەر مەن وتاندىق كيىم ۇلگىسىن ۇسىنۋشى مامانداردىڭ ءسان اپتالىعى ءوتىپ جاتىر.

جارمەڭكە تۇرىندە ۇيىمداستىرىلعان كورمەگە گرۋزيا مەن وزبەكستاندىق ماماندار دا قاتىستى. شاراعا كەلگەن كوپشىلىك كوكتەمگى ماۋسىمعا ارنالعان كيىم ۇلگىلەرىن ارزان باعاعا ساتىپ الۋعا مۇمكىندىك الدى. مۇنايلى ولكەدە ەلىمىزدىڭ 30 دان استام كاسىپكەرلەرى باس قوسىپ، ءوزارا تاجىريبە الماستى.

مامانداردىڭ ايتۋىنشا، سوڭعى جىلدارى تۇتىنۋشىلاردىڭ وتاندىق ونىمگە، ونىڭ ىشىندە ساندىك كيىم ۇلگىلەرىنە دەگەن قىزىعۋشىلىعى ارتا تۇسكەن.

نۇريزا تاجىبايەۆا، كورمە ۇيىمداستىرۋشىسى:

- شىندىعىنا كەلگەندە، ءبىزدىڭ وتاندىق كيىم تىگۋشىلەر شەتەلدىڭ تانىمال كيىم ۇلگىلەرىنىڭ ساپاسىنان ەشبىر كەم تۇسپەيدى. ونىڭ ۇستىنە باعاسى دا ءبىرشاما ارزانعا شىعادى. سوندىقتان قازاقستاندا جاسالعان ونىمدەرگە قازىر سۇرانىس جوعارى. تۇتىنۋشىلار دا مۇنى جەتە تۇسىنە باستاعان. وسىنداي كورمەلەر ارقىلى ءبىز وتاندىق كاسىپكەرلەرگە دەمەۋ بەرىپ، كوپشىلىككە تانىمال بولۋىنا مۇمكىندىك جاسۋعا تىرىسىپ جاتىمىز.

www.24.kz