13:43, 24 - ناۋرىز 2016 | GMT +5
جاڭا زەلانديادا تۋدى اۋىستىرۋ جونىنەن رەفەرەندۋم باستالدى
استانا. قازاقپارات- تىنىق مۇحيتتاعى بۇل ەل 114 جىلدا ەڭ العاش رەت مەملەكەتتىك ءرامىز - تۋدىڭ ديزاينىن وزگەرتۋى مۇمكىن.
سوناۋ 1840 -جىلى ۇلى بريتانيانىڭ كولونياسىنا اينالعان كەزدەن بەرى تۋعا تاڭبا بولىپ باسىلعان يۋنيون دجەك الىنىپ تاستالىپ، ورنىنا قىرىققۇلاق وسىمدىگىنىڭ بۇتاعى بەينەلەنەتىن بولادى. تۋ بەتىندەگى ءتورت جۇلدىز سول كۇيى قالىپ، ول بۇرىنعىداي قويۋ كوك ەمەس، اقشىل كوك ءتۇستىڭ اياسىندا جارقىرايتىن بولادى.
جالپى ەلدىڭ تۋىن وزگەرتۋ تۋرالى تالاس- تارتىس ءبىراز ۋاقىتتان بەرى جۇرگىزىلدى. ال جاڭا زەلانديانىڭ پرەمەرى دجون كي يۋنيون دجەك سالىنعان تۋعا قاراعان جۇرت ەلدى بريتانيانىڭ وزگە بۇرىنعى كولونيالارىمەن شاتاستىرۋى مۇمكىن ەكەندىگىن ايتقان بولاتىن. ەندى وسىعان بايلانىستى وتكىزىلىپ جاتقان رەفەرەندۋم كەزىندە تۇرعىندار تۋدى وزگەرتۋ نەمەسە سول كۇيى قالدىرۋ تۋرالى ساۋالعا جاۋاپ بەرەدى، دەپ جازادى «لايف نيۋس»
www.24.kz
