شاحمات نەگە سپورت تۇرىنە جاتادى؟

استانا. قازاقپارات - سپورتتىڭ ءبىرىنشى كەزەكتەگى ماقساتى وزىندىك «مەنىڭدى» كورسەتۋ، ۇزدىك ناتيجە مەن بەلەستەردى باعىندىرۋ. مۇندا فيزيكالىق، ينتەللەكتۋالدىق دەڭگەيى، جاتتىعۋلار، ءوز- ءوزىڭدى باسقارۋ مەن، ارينە، ەموتسيونالدىق تۇراقتىلىق سىنعا تۇسەدى.

مۇنداي مىنەزدەمەلەر شاحماتقا دا ساي. الايدا كوپتەگەن ادامنىڭ پىكىرىنشە، شاحمات سپورتقا جاتپايدى.

شاحمات 100-دەن اسا مەملەكەتتە سپورت ءتۇرى بولىپ قابىلدانعان، ال حالىقارالىق وليمپيادا كوميتەتى شاحماتتى سپورت ءتۇرى رەتىندە رەسمي تۇردە 1999 -جىلى مويىندادى. الايدا ول كەزدە دە شاحمات وليمپيادا ويىندارىنىڭ باعدارلاماسىنا كىرمەگەن بولاتىن. وليمپياداعا كىرمەگەن بۇل جالعىز سپورت ءتۇرى ەمەس. مۇنداي شارالارعا ينتەللەكتۋالدىق ويىندار وتەدى.

كوپتەگەن ادام سپورت مىندەتتى تۇردە فيزيكالىق بەلسەندىلىك پەن ءوز- ءوزىڭدى جەتىلدىرۋدەن تۇرۋ كەرەك دەپ ەسەپتەيدى. كاسىبي سپورتشىلار وي ءورىسى تار، اقىلسىز ادامدار دەگەن پىكىرلەر دە بار. تاجىريبەگە سۇيەنسەك ءبارى كەرىسىنشە ەكەنىن ايتۋ كەرەك - ينتەللەكتۋالدى دامىعان ادامدار عانا ۇزدىك ناتيجە كورسەتە الادى. سپورتتىڭ بارلىق ءتۇرى فيزيكالىق كۇش پەن ەپتىلىكتى قاجەت ەتپەيدى.

شاحمات شىعارماشىلىق وي- ءورىستى، ينتەللەكتتى دامىتىپ، ەستە ساقتاۋدى جاقسارتادى. مۇندا دۇرىس شەشىم مەن وعان جاۋاپتى دۇرىس قابىلداۋ ماڭىزدى. بۇل سپورت تۇرىندە ايقاسقا تىكەلەي اسەر ەتەتىن تاكتيكالىق ويلاۋ - باستى فاكتور.

بۇدان وزگە شاحماتشىنىڭ فيزيكالىق دايىندىعى دا مىقتى بولۋى ءتيىس. فيزيكالىق ءالسىز ادام كوپ ۋاقىت بويى وتىرىپ جاتتىعۋ جاساي المايدى. جانە ەڭ سوڭعىسى - بۇل ەڭبەكقورلىق، جيناقىلىق پەن تاباندىلىق.

سەبەبى، جارىستارعا دەربەس جاتتىعۋ قاجەت بولادى. دەمەك، كەزەكتى جەڭىستە پسيحولوگيالىق يكەمدەلۋ ماڭىزدى رول اتقارادى، اسىرەسە، ەگەر قارسىلاستاردىڭ شەبەرلىگى تەڭ دارەجەدە بولسا.

bilim-all.kz