11:11, 24 - ناۋرىز 2016 | GMT +5
وباما ارگەنتينا پرەزيدەنتىنىڭ قابىلداۋىندا تانگو بيلەدى - كەسكىن
استانا. قازاقپارات - ا ق ش پرەزيدەنتى باراك وباما مەن ونىڭ جارى ميشەل بۋەنوس- ايرەستە ارگەنتينا پرەزيدەنتى ماۋريسيو ماكريدىڭ قابىلداۋىندا ارگەنتينالىق تانگو بيلەدى، دەپ حابارلادى اسسوشيەيتەد پرەسس اگەنتتىگى.
امەريكالىق كوشباسشى باستاپقىدا بيگە شاقىرعان بويجەتكەنمەن بيلەۋدەن باس تارتقان، الايدا كەيىن كەلىسىپ، ءوزىنىڭ بيلەۋ ونەرىن كورسەتتى. ونىڭ جارى بۇل كەزدە باسقا بيشىمەن بيلەدى.
وباما ارگەنتيناعا سارسەنبى كۇنى رەسمي ساپارىمەن كەلدى. بۇل ا ق ش پرەزيدەنتىنىڭ لاتىنامەريكالىق ەلگە بارعان سوڭعى 19 جىلداعى ءبىرىنشى ساپارى.
