سولتۇستىك قازاقستاندا اجەلەر سالت-ءداستۇر بايقاۋىنا قاتىستى - فوتو

پەتروپاۆل. قازاقپارات - پەتروپاۆل قالاسىندا اجەلەر اراسىندا سالت-ءداستۇر بويىنشا «جارايسىڭدار، اجەلەر!» اتتى بايقاۋ ءوتتى.

وعان 50 جاستان جوعارى 6 اجە قاتىستى.

«بايقاۋدا 5 ءبولىم بولدى. تانىستىرۋ، سۋىرىپ-سالما، ادەت-عۇرىپ/سالت-ءداستۇر، شىعارماشىلىق جانە قازاق حالقىنىڭ ۇلتتىق تاعامى. وسى تاقىرىپتار بويىنشا اجەلەر سۇراقتارعا جاۋاپ بەرىپ، شەبەرلىكتەرىن كورسەتتى. شارانىڭ ماقساتى - جاستار اراسىندا ۇلتتىق قۇندىلىقتى ناسيحاتتاۋ»، - دەدى قالالىق مادەنيەت پەن ءتىلدى دامىتۋ ءبولىمىنىڭ باسشىسى التىناي سىزدىقوۆا.

بايقاۋعا قاتىسقان اجەلەردىڭ ءبىرى - ناتاليا قۇسايىنوۆا. ول رەسەيدەن اتا-اناسىمەن قازاقستانعا 15 جاسىندا كوشىپ كەلگەن. وسىندا تۇرمىسقا شىعىپ، بۇگىندە باقىتتى اجە بولىپ وتىرعان ول بايقاۋدىڭ ماعىنالى بولعانىن ايتتى.

«جارايسىڭدار، اجەلەر!» بايقاۋىنىڭ قورىتىندىسى بويىنشا، 1 ورىندى الفەرا ابدراحيەۆا جەڭىپ الدى. وعان قىسقا تولقىندى پەش پەن ديپلوم تابىس ەتىلدى.

قاتىسۋشىلاردىڭ بارلىعى سىي-سياپاتسىز قالعان جوق.