قىتايدان اتامەكەنگە ورالعان باۋىرلارىمىز ناۋرىز مەرەكەسىن ەرەكشە تويلادى - كەسكىن
اقسۋ قالاسىنا قارايتىن اۋىلدىق ايماقتارعا قىتايدان قونىس اۋدارعان اعايىندار ەلگە قوسىلعاندارىنا ءدان ريزا. ناۋرىزدا قاريالار جىل ون ەكى ايدىڭ اماندىعىن تىلەپ باتا بەرسە، كەلىندەر ناۋرىز كوجە تاراتتى. ال قىز-جىگىتتەر التىباقان تەۋىپ، ءان ايتىپ، توڭىرەكتى دۋمانعا بولەدى، دەپ حابارلادى 24.kz
قىتايدان كەلگەن وتانداستارىمىز كوپشىلىككە ۇمىت بولا باستاعان ءبي تۇرلەرىن دە كورسەتتى. قىتاي قازاقتارى بيگە ەرەكشە ءمان بەرەدى ەكەن. ءار ءبيدىڭ جەكە تاريحى بار. تۇرمىس-تىرشىلىكتەرى تابيعاتپەن بىتە قايناسقان قانداستارمىز قازاقى قۇندىلىقتاردى ەرەكشە قادىرلەيدى. ماسەلەن، «ايۋ ءبيىن» اڭىز بويىنشا اڭشى جىگىت تاراتقان دەسەدى. ول ايۋدى سوعىپ العانىن، جىرتقىشپەن قالاي الىسقانىن اۋىلداستارىنا ءبي ارقىلى جەتكىزگەن.
ونەر قۇدىقەن، اۋىل تۇرعىنى: - «ايۋ ءبيى»، «اققۋ ءبيى»، «كەربەز قىز ءبيى»، «بۇركىت ءبيى» دەگەن ءتورت ءبي بار. سونىڭ ءبىرى - «ايۋ ءبيى». وسى كورمەگەن، جوعالىپ بارا جاتقان ءداستۇردى قايتادان جانداندىرامىز دەپ ساحناعا ۇسىنىپ وتىرمىز. ەلىمىزگە كەلىپ، ەڭسەمىز كوتەرىلدى. ۇرپاعىمىزدى تۋعان توپىراققا، اتا قونىسقا جەتكىزدىك دەپ، مارە-سارە بولعان ۇلكەندەردىڭ قۋانىشى شەكسىز. قىتايدان پاۆلودار اۋماعىنا قونىس اۋدارعان باۋىرلاستارىمىزدىڭ ناۋرىزدى العاش رەت تاريحي وتاندارىندا قارسى الۋى - بۇل.
