ءۇندىستان حالقى ناۋرىز مەرەكەسىندە قازاقتىڭ ۇلتتىق ونەرىنە ءتانتى بولدى - فوتو
ناۋرىز مەرەكەسىنە وراي وتكەن شارادا انشىلەر، بيشىلەر جانە مۋزىكالىق انسامبلدەر جينالعان قاۋىم الدىندا ونەر كورسەتسە، ۇيىمداستىرۋشى ەلدەر وزدەرىنىڭ ۇلتتىق تاعامدارى قويىلعان داستارحاندار جايدى. ءۇندىستاندا ناۋرىز مەرەكەسى وسىمەن ەكىنشى مارتە تويلانىپ وتىر. بيىلعى كوكتەم مەرەكەسىنە دەليدىڭ جانە ءۇندىستاننىڭ باسقا قالالارىنىڭ مىڭداعان تۇرعىندارى قاتىستى.
ءۇندىستانداعى قازاقستان رەسپۋبليكاسىنىڭ ەلشلىگىنىڭ حابارلاۋىنشا، قوناقتار اراسىندا قوعام قايراتكەرلەرى، تانىمال ساياساتكەرلەر، ديپلوماتيالىق ميسسيالاردىڭ باسشىلارى، ىسكەر توپتىڭ جانە بۇقارالىق قۇرالداردىڭ وكىلدەرى بولعان.
مادەني شارا بارىسىندا «كوك تۇرىكتەر» قازاق ءانسامبلى كونسەرت قويىپ، جينالعان قاۋىمدى ءتانتى ەتتى. انسامبل حالىق اندەرى مەن كۇيلەرىن جانە بەلگىلى سازگەرلەر مەن اۆتورلاردىڭ شىعارمالارىن ورىندادى.
جينالعان قاۋىمعا قازاقستان ەلشىلىگى ءۇندى استاناسىنىڭ تۇرعىندارىنىڭ كوڭىلىنەن شىققان ەلىمىزدىڭ ۇلتتىق تاعامدارىن ۇسىنىپ، ۇلتتىق كيىمدەر مەن زەرگەرلىك بۇيىمدارىن كورسەتتى.
