بەلگيادا ءۇش تاۋلىك ازا تۇتۋ كۇنى دەپ جاريالاندى

بريۋسسەل. قازاقپارات - بەلگيادا ەل استاناسىنداعى تەراكتىلەردەن كەيىن ءۇش كۇندىك ۇلتتىق ازا تۇتۋ جاريالاندى.

بۇل تۋرالى RTBF تەلەراديوكومپانياسى بەلگيالىق ءى ءى م- گە سىلتەمە جاساي وتىرىپ حابارلادى.

سەيسەنبى كۇنى تاڭەرتەڭ بريۋسسەلدىڭ «زاۆەنتەم» اۋەجايىندا ەكى جارىلىس بولدى. بۇدان ءبىر ساعاتتان كەيىن قالا ورتالىعىنداعى «ماەلبەك» مەترو ستانساسىنداعى ۆاگوندا تاعى ءبىر جارىلىس جاسالدى.

 سوڭعى مالىمەتتەرگە سەنسەك، لاڭكەستىك ارەكەتتەر سالدارىنان 34 ادام قازا تاۋىپ، 200-گە جۋىق ادام جاراقات العان.