قازاق قىزى جارتىلاي جالاڭاش مۇسىنىمەن حالىقارالىق بايقاۋدا توپ جاردى - فوتو
كونكۋرس ءۇندىستاندا ءۇش اپتا بويىندا ءوتتى.
"كونكۋرس كەرەمەت ءوتتى، قاتىسقانىما ەش وكىنبەيمىن. وراسان زور تاجىريبە مەن ءبىلىم الدىم. ەندى كوبىسى ءبىزدىڭ قازاقستاندى بىلەدى. بارلىعىڭىزعا قولداۋ كورسەتكەندەرىڭىز ءۇشىن راقمەت"، - دەدى ارۋ.
قىز مودەلدەر كونكۋرسىنا جارتى جىل دايىندالىپتى. كۇن سايىنعى جاتتىعۋلار، دەفيلە، سپورتزال، دۇرىس تاماقتانۋ - قۇرالايدىڭ كۇن ءتارتىبى وسىنداي بولىپتى. ايتا كەتەيىك، وسىنداي ابىرويلى كونكۋرستا قازاقستاننىڭ اتىنان شىعۋ ءۇشىن قىزدار بىرنەشە كەزەڭنەن ءوتۋى ءتيىس بولعان. ءبىرىنشىسى - ىرىكتەۋ سۋرەت ارقىلى جۇرگىزىلدى. كەيىن الماتىداعى World beauty congress Kazakhstan وكىلدەرىمەن اڭگىمەلەسۋ.
ايتا كەتەيىك، مودەلدەرگە كيىمدى قازاقستاندىق ديزاينەرلەر رادميلا گيشايەۆا، داريعا تايشىقوۆا دايىنداعان، ال اشەكەي بۇيىمدارى Brosh برەندىنەن الىنعان.
Super model International-2016 تيتۋلىن مالايزيا مودەلى دجوزەفين تان جەڭىپ الدى، ەكىنشى ورىن رەسەيلىك اليسا مانەنوكتە، ءۇشىنشى ورىندى فين قىزى دجۋليا پيككارەنەن مىسە تۇتتى.
سۋرەتتەر جەكە ارحيۆتەن، سونىمەن قاتار
سايتىنان الىندى.Missosology.com
