الماتىدا ايتىس ءوتتى - فوتو
ايتىستىڭ ماقساتى - الاتاۋ باۋرايىنداعى اسەم قالا الماتىنىڭ 1000 جىلدىق مەرەيتويىن جىرلاۋ. بۇل اتاۋلى وقيعا يۋنەسكو كولەمىندە اتالىپ وتىلمەك.
ۇلىستىڭ ۇلى كۇنى وتكەن ايتىسقا رۇستەم قايىرتاي، يرانعايىپ كۇزەمبايەۆ، اسپانبەك شۇعاتايەۆ، نۇرلان مۇسايەۆ، ولجاس وتار، جانسايا مۋسينا، مەيىربەك سۇلتانحان جانە باسقا دا ەلىمىز بەن موڭعوليا، قىرعىزستان سىندى جاقىن شەتەل ەلدەرىنىڭ ايتىسكەر اقىندارى قاتىسىپ، باعىن سىنادى.
اقىندار ايتىسىنىڭ اشىلۋ سالتاناتىنا «نۇر وتان» پارتياسى ءتوراعاسى ءبىرىنشى ورىنباسارىنىڭ كەڭەسشىسى بەرىك ءۋالي قاتىسىپ، قۇتتىقتاۋ ءسوز سويلەدى. ول جينالعان قاۋىمدى ءتول مەرەكە - ناۋرىز مەيرامىمەن قۇتتىقتاي كەلە، وسىناۋ مەرەيلى كۇن قارساڭىندا وتكەن ق ر پارلامەنتى ءماجىلىسىنىڭ جانە بارلىق دەڭگەيدەگى ءماسليحات دەپۋتاتتارىنىڭ سايلاۋىندا «نۇر وتان» پارتياسىنىڭ ايقىن جەڭىسكە قول جەتكىزگەنى - قازاقستاندىقتاردىڭ حالىقتىڭ بىرلىگى، ەلدىڭ تۇراقتىلىعى جانە حالىقتىڭ جاسامپازدىعى سەكىلدى ماڭگىلىك قۇندىلىقتار ءۇشىن داۋىس بەرگەنىنىڭ نىشانى ەكەنىن اتاپ ءوتتى.
سونداي- اق ب. ءۋالي پارتيانىڭ قازاق ءتىلى مەن مادەنيەتىن، سالت- ءداستۇرىن ساقتاۋ جانە دامىتۋ ماسەلەلەرىنە ايرىقشا باسىمدىق بەرەتىنىن ايتا كەلە، رۋحاني قۇندىلىقتاردى دارىپتەۋ باعىتىن پارتيا الداعى ۋاقىتتا دا ۇستاناتىنىن ايتتى.
ايتا كەتەتىنى، قازىلار القاسى قۇرامىندا «ايقىن» گازەتىنىڭ باس رەداكتورى نۇرتورە ءجۇسىپ، ش. ءۋاليحانوۆ اتىنداعى تاريح جانە ەتنولوگيا ينستيتۋتىنىڭ ديرەكتورى حانگەلدى ءابجانوۆ، ق ر حالىق ءارتيسى ەسمۇحان وبايەۆ، جازۋشى، «قۇرمەت» وردەنىنىڭ يەگەرى سماعۇل ەلۋباي، ق ر ەڭبەك سىڭىرگەن قايراتكەرى اقان ابدۋاليەۆ بار.
ايتىستى ادەتتەگىدەي ەلىمىزدىڭ تانىمال اقىنى، م. ماقاتايەۆ اتىنداعى سىيلىقتىڭ يەگەرى، حالىقارالىق «ايتىس اقىندار مەن جىرشى- تەرمەشىلەر» وداعىنىڭ باسقارما ءتوراعاسى، ق ر ەڭبەك سىڭىرگەن قايراتكەر ءجۇرسىن ەرمان جۇرگىزدى.
