قاراعاندىعا ناۋرىز قارساڭىندا شىڭعىس حاننىڭ بالاۋىز ءمۇسىنى جەتكىزىلدى - فوتو
كورمە «قازاق مىس» كورپوراتسياسىنىڭ كيىز ۇيلەر ەتنو اۋىلىندا ورنالاستىرىلدى. كوپشىلىك نازارىنا كونە قارۋ- جاراق، ورتاعاسىرلىق اشەكەيلەر، تۇرمىستىق قۇرال- جابدىقتار، ىدىستار ۇسىنىلدى. تاماشالاۋشىلار باس ەكسپونات - شىڭعىس حاننىڭ بالاۋىزدان جاسالعان مۇسىنىمەن بىرگە سۋرەتكە ءتۇسۋ ءۇشىن كەزەككە تۇردى.
«مۇسىندەردى جەزقازعان قالاسىنان جەتكىزۋدىڭ وزىندىك قيىندىقتارى بولدى. الايدا وسىندا قويىلعان سوڭ، وعان كوپشىلىكتىڭ قىزىعۋشىلىعى بار ەكەنىن كوردىك. شىڭعىس حاننىڭ بالاۋىز ءمۇسىنى مۇراجايىمىزدىڭ تاپسىرىسىمەن 10 جىل بۇرىن جاسالعان. رەسەي استاناسىندا گەراسيموۆ ادىستەمەسى بويىنشا انتروپولوگيالىق كەلبەتتى جاسايتىن زەرتحانا بار. شىڭعىس حاننىڭ تۋرا ءوزىنىڭ سۇيەگى تابىلعان جوق، الايدا سيپاتتاۋ، جىلناما، دەرەككوزدەر سەكىلدى مالىمەتتەر نەگىزىندە ءمۇسىن ازىرلەندى»، - دەيدى مۇراجايدىڭ باس مامانى ارمان بەرماعامبەتوۆ.
سونىمەن قاتار، جۇرت نازارىنا قاراعاندى وبلىسىنىڭ ۇلىتاۋ اۋدانىنداعى الاشا حان مەن جوشى حان مازارلارىنىڭ ماكەتى ۇسىنىلدى.
