پەتروپاۆلدا ناۋرىز مەرەكەسىنە وراي وتكەن جارمەڭكەدە تاۋارلار تومەن باعامەن ساتىلدى - فوتو

پەتروپاۆل. قازاقپارات - سولتۇستىك قازاقستان وبلىسىندا ناۋرىز مەيرامىنا ارنالعان مەرەكەلىك شارالار بولىپ ءوتتى. دوستىق الاڭىندا «ارمىسىڭ، ءاز- ناۋرىز الاشىما» اتتى تەاترلاندىرىلعان كونسەرتتىك باعدارلاما ءوتتى.

وعان قاتىسقان سولتۇستىك قازاقستان وبلىسىنىڭ اكىمى قازاقستاندىقتاردى ناۋرىز مەيرامىمەن قۇتتىقتادى. بۇل تۋرالى ايماق باسشىسىنىڭ باسپا ءسوز قىزمەتىنەن حابارلادى.

 ايماق باسشىسى كۇن مەن ءتۇننىڭ تەڭەلۋى، جاڭارۋ جانە جاڭا ءومىر باستالۋىنىڭ بەلگىسىنە اينالعان مەرەكەنىڭ بيىلعى جىلى ەرەكشە ءمانى بار ەكەنىن اتاپ ءوتتى. تاياۋدا عانا ەلىمىزدە ق ر پارلامەنتى ءماجىلىسى مەن بارلىق دەڭگەيدەگى ءماسليحات دەپۋتاتتارىن سايلاۋ اياقتالدى. بۇدان باسقا، بيىل ەلىمىز ءوز تاۋەلسىزدىگىنىڭ 25 جىلدىعىن اتاپ وتۋدە.

«تاۋەلسىزدىك العان العاشقى كۇندەرىمىزدەن باستاپ قازاقستان حالقىنىڭ بىرلىگى پەن ءوزارا سەنىمى بولاشاققا سەنىمدى ۇمتىلعان، گۇلدەنگەن مەملەكەتتى قۇرۋدىڭ بەرىك ىرگەتاسىنا اينالدى. مەملەكەت باسشىسى بيىلعى جولداۋىندا الدىمىزعا جاڭا كولەمدى مىندەتتەر قويدى. سولتۇستىك قازاقستان وبلىسى العا قويعان ماقساتتارعا جەتۋدە لايىقتى ۇلەسىن قوساتىنىنا سەنىمدىمىن»، - دەدى ەرىك حامزا ۇلى.

س ق و اكىمى ءاربىر وتباسىعا مىقتى دەنساۋلىق، بەيبىتشىلىك، ىزگىلىك پەن اماندىق، مول داستارحان مەن كوكتەمدەي كوڭىل تىلەدى.

 مەرەكەلىك باعدارلاما پەتروپاۆل قالاسى مەن وبلىس اۋداندارىنىڭ ۇجىمدارى ازىرلەگەن كونسەرتتىك نومىرلەرمەن جالعاستى.