بريۋسسەلدەگى جارىلىس: سودىرلار مىنگەن تاكسي جۇرگىزۋشىسى تاعى ەكى بومبانى تابۋعا كومەكتەستى
دەپ حابارلايدى Derniere Heure باسىلىمى.
تاكسي جۇرگىزۋشىسى قۇقىق قورعاۋ ورگاندارىنا لاڭكەستىك وقيعا بولعان سوڭ بىرنەشە ساعات وتكەننەن كەيىن ءوزى حابارلاسقان، دەپ جازادى ر ي ا نوۆوستي.
ول پوليتسياعا جولاۋشىلارى باقىلاۋ كامەراسى ءتۇسىرىپ العانداي ءۇش ەمەس، ودان دا كوپ سومكەنى جەتكىزگەنىن ايتقان. باسىلىمنىڭ مالىمەتتەرىنشە، ونىڭ بەرگەن بۇل تۇسىنىكتەمەلەرى ءتارتىپ ساقشىلارىنا بريۋسسەل اۋەجايىنان جارىلماي قالعان ءۇشىنشى بومبانى تابۋعا كومەكتەستى.
بۇدان باسقا، تاكسي جۇرگىزۋشىسى كليەنتتەرىن الىپ كەتكەن سكاربەك كوممۋناسىنداعى ءۇيدىڭ مەكەنجايىن ايتتى. ول پوليتسەيلەرگە جولاۋشىلارىنىڭ وزدەرىمەن بىرگە ودان دا كوپ سومكەنى الىپ كەتكىسى كەلگەنىن، ءبىراق ءوزىنىڭ ولاردىڭ بۇل ىسىنە كەلىسپەگەنىن، سەبەبى كولىكتە بوس ورىن بولماعانىن ايتتى. بۇل مەكەنجاي بويىنشا ءتىنتۋ جۇرگىزىلىپ، بەلگيانىڭ فەدەرالدىق پروكۋراتۋراسى شەگەگە تولتىرىلعان جارىلعىش زات، سونداي- اق حيميالىق زات جانە «يسلام مەملەكەتى» لاڭكەستىك ۇيىمىنىڭ تۋىن تاپتى.
