ارمەنيا حالقى امانور مەرەكەسىن تويلاپ جاتىر
قىستان كەيىن قايتا ويانعان تابيعاتتى ۇلىقتاۋ - كونەدەن قالعان ءداستۇر. جاندانعان ورتا مەن ديقانشىلىققا قۇرمەتپەن قارايتىندار بۇگىن دە بارشىلىق. كۇن مەن ءتۇننىڭ تەڭەسكەن كۇنىندە ارميان حالقى امانور مەرەكەسىن، ياعني جاڭا جىل مەيرامىن اتاپ وتەدى.
سەرگەي سيمونيان، مەرەكە مەيمانى: - مەن كونەدەن بەرى تويلانىپ كەلگەن ءداستۇرلى جاڭا جىل مەرەكەسىمەن قۇتتىقتايمىن. ءبىزدىڭ بابامىز ايك كۇنتىزبەسىن جاساپ، كەلەر ۇرپاققا قالدىرعان. ول پارسى، تاجىك جانە وزگە دە شىعىس ەلدەرىنىڭ كۇنتىزبەسىمەن ۇندەسەدى. ادەتتە جاڭا جىلدى قارسى الۋ گارني شىركەۋىنىڭ ماڭىندا وت جاعۋدان باستالادى. بۇل عيمارات ءبىزدىڭ زامانىمىزدىڭ I عاسىرىندا سالىنعان. ارميان استاناسىنان 20 شاقىرىم جەردەگى وسى ءوڭىر تۋريستەردىڭ سۇيىكتى ورنى. ال بۇگىن مۇندا ءتىپتى ينە شانشار جەر جوق. ۇلتتىق ءبي مەن ويىندار دا مەرەكەنىڭ ءسانىن كەلتىردى. بۇگىن سىيلىق سىيلاپ، جۇرەك جاردى تىلەك تىلەيتىن كۇن. سەنىم بويىنشا، ءدال وسى كۇنى ايتىلعان تىلەك مىندەتتى تۇردە ورىندالادى. بۇعان كۇن قۋاتىنىڭ ەرەكشە كۇشتى بولۋى اسەر ەتەدى دەپ سەنەدى. ءار ۇيدە داستارقان جايىلادى. «جورالعىلاردىڭ بارلىعى دۇرىس ورىندالسا، كەلەر جىل تەك جاقسىلىق اكەلەدى» ، - دەيدى جەرگىلىكتى حالىق. نانىم بويىنشا تىلەك تىلەپ، ورىك اعاشىنا ءتۇرلى- ءتۇستى شىت بايلاۋ شارت.
www.24.kz
