جاساندى تىرناق ءوسىرۋدىڭ زيانى

استانا. قازاقپارات - ۇزىن، ادەمى تىرناق ستيل مەن ءساننىڭ سيمۆولىنا اينالعالى قاشان. قازىرگى تاڭدا كەز كەلگەن ىسكەر ايەلدى ءساندى مانيكيۋرسىز ەلەستەتۋ قيىن. سونى بىلگەن ءسان سالوندارى دا قىزىلدى- جاسىلدى جارناماسىمەن كوز بەن سانانى جاۋلاۋدا،

 دەپ جازادى massaget.kz.

جاساندى تىرناق ءوسىرۋدىڭ زيانى:

- گەلدەن بولسىن، اكريلدەن بولسىن، جاساندى تىرناققا ەكى اپتادا ءبىر ۋاقتىلى كوررەكسيا جاساپ وتىرۋ كەرەك. ول ءۇشىن تاعى دا ۇزاق ۋاقىت پەن اقشا قاجەت.

- گەلمەن وسىرىلگەن تىرناقتى الىپ تاستاۋعا بولمايدى، ونى تۇگەلدەي ۇگىتۋ كەرەك. ال ونى تەك تىرناق ارلەۋ شەبەرى عانا جاساي الادى.

- جاساندى تىرناق وسىرگەننەن كەيىن ءوز تىرناعىڭىز جۇقارىپ، ءالسىز بولىپ قالادى. جاساندى تىرناقتى شەشكەن سوڭ ەرەكشە كۇتىمدى قاجەت ەتەدى.

قانداي جاعدايدا جاساندى تىرناق جاساتۋعا بولمايدى؟

جاساندى تىرناقتى كەز كەلگەن ادام كەز كەلگەن ۋاقىتتا جاساتا الادى. الايدا مۇلدە قايشى كەلەتىن جاعدايلار دا بار:

- زاقىمدانعان جانە قىشىما اۋرۋى (گريبوك) بار تىرناقتى جاساندى جولمەن وسىرۋگە بولمايدى؛

- تىرناق اينالاسىنداعى ەت (كۋتيكۋلا) زاقىمدانعان جاعدايدا (مىسالى، كەسىپ الساڭىز) جاساندى تىرناق جاساتپاڭىز. ويتكەنى جاراعا گەل نە اكريل تۇسسە، اسقىنىپ كەتۋى ابدەن مۇمكىن؛

- جۇرەگى اۋىراتىن، قان تامىرلارى اۋرۋىمەن اۋىراتىن، قانت ديابەتى بار ادامدارعا جاساندى تىرناق سالۋعا بولمايدى؛

- قولى وتە قاتتى تەرلەيتىن ادام جاساندى تىرناقتى مۇلدە ۇمىتقانى ءجون؛

- انتيبيوتيك نەمەسە گورمونالدى دارىلەر قابىلداۋ كەزەڭىندە دە جاساندى تىرناق سالۋعا بولمايدى.