بەلگياداعى جارىلىستاردىڭ فوتوسۋرەتتەرى مەن بەينەجازبالارى جاريالاندى - فوتو، كەسكىن

استانا. قازاقپارات - بريۋسسەل اۋەجايىنداعى ەكى جارىلىستىڭ فوتوسۋرەتتەرى مەن بەينەجازبالارى جاريالاندى.

ولاردىڭ ءبىرقاتارىن وقيعا كۋاگەرلەرى تۇسىرگەن.

بۇدان بۇرىن حابارلانعانداي، بريۋسسەل اۋەجايىندا ەكى جارىلىس بولدى. الدىن الا مالىمەتتەرگە قاراعاندا، 17 ادام قازا تاپتى، 20 دان استامى جاراقاتتاندى. بۇل تۋرالى بەلگيالىق RTBF تەلەراديوكومپانياسىنان حابارلاندى.

جەرگىلىكتى ۋاقىتپەن تاڭعى ساعات 8.00 دە ۇشۋ زالىندا جارىلىس ورىن الدى. جارىلىس سالدارىنان شاتىردىڭ ءبىر بولىگى قۇلاپ، تەرمينال عيماراتىندا شىنىلار سىندى. رەيستەر ۇشىرىلمايتىن بولدى. اۋەجايعا اپاراتىن تەمىر جولدار جابىلدى.

بۇل لاڭكەستىك بولۋى مۇمكىن. بەلگيانىڭ پرەمەر-ءمينيسترى شارل ميشەل ۇلتتىق قاۋىپسىزدىك كەڭەسىن شاقىردى.

اۋە رەيستەرى لەج جانە شارلەرۋا اۋەجايلارىنا جىبەرىلدى.