جامبىل وبلىسىندا مەرەكەلىك شوۋدىڭ قويۋشىلارى تاۋەلسىز قازاقستاننىڭ تاريحىن باياندادى - فوتو
تارازدىڭ «دوستىق» ورتالىق الاڭىندا «ناۋرىز كەلسە، قۇت كەلگەنى» تەاترلاندىرىلعان قويىلىمى كوپشىلىكتىڭ جۇرەگىنە جول تاپتى.
«تاۋەلسىز قازاقستاننىڭ تاريحىنان سىر شەرتكەن شوۋ وتە اسەرلى بولعانى سونشالىق، كوز جاسىمدى تىيا المادىم، - دەگەن ويىمەن تاراز تۇرعىنى ولگا ساعاندىقوۆا ءبولىستى، - اكتەرلەردىڭ ويىنى جانە سوزدەرى تاماشا، كوستيۋمدەرى ادەمى بولدى. قاريا باتا بەرگەندە جيىلعانداردىڭ بارلىعى قول جايىپ وتىردى. ءاربىرىمىز ءۇشىن بەيبىتشىلىك، تۇراقتىلىق، وركەندەۋ ماڭىزدى».
تارازدىڭ ورتالىق الاڭىنداعى تەاترلاندىرىلعان قويىلىمنىڭ اۆتورى قويۋشى رەجيسسەر جۇلدىزبەك جۇمانباي جانە رەجيسسەر-حورەوگراف مەدەت ءاعابىلوۆ بولدى. قويۋشىلاردىڭ سوزىنە قاراعاندا، ءوز جۇمىسىندا ولار ەلدىڭ قالىپتاسۋ تاريحىن، حالىقتى وتانىن، مادەنيەتىن قۇرمەتتەۋگە، بەيبىتشىلىكتى ساقتاپ، ادامدار اراسىنداعى تۇسىنۋشىلىكتى ساقتاۋعا باۋليتىن ۇلتتىق ءداستۇر مەن كونە ادەت-عۇرىپتاردى كورسەتۋگە تىرىستى.
ناۋرىز مەيرامىنىڭ مەرەكەلىك كۇندەرى ايماقتا ءتۇرلى كونسەرتتەر، قويىلىمدار، بايقاۋلار، بۇقارالىق تەاترلاندىرىلعان قويىلىمدارى دايىندالدى. جامبىل وبلىسىنىڭ قالالارى مەن اۋىلدارىندا مەرەكەلىك شارالار ءوتىپ جاتىر.
