14:16, 22 - ناۋرىز 2016 | GMT +5
التى دۇركىن وليمپيادا چەمپيونى ريودان كەيىن ۇلكەن سپورتپەن حوش ايتىسپاق
استانا. قازاقپارات - يامايكالىق جەڭىل اتلەت ۋسەين بولت 200 مەتر قاشىقتىقتى 19 سەكۋندتا باعىندىرعىسى كەلەدى.
«ريو-دە جانەيرو مەنىڭ سوڭعى وليمپيادام بولماق. ەگەر برازيليا جەرىندە بارلىق ماقساتىمدى جۇزەگە اسىراتىن بولسام، تاعى 4 جىل بويى موتيۆاتسيامدى ساقتاپ تۇرۋ قيىن. وليمپيادا ويىندارىنىڭ ەڭ ۇلكەن ارمانىم تاعى دا ءۇش التىن جەڭىپ الۋ. 200 مەتر قاشىقتىقتى 19 سەكۋندتا باسىپ ءوتۋ مەنىڭ ەڭ نەگىزگى ماقساتتارىمنىڭ ءبىرى»، - دەيدى بولت.
وسىنىڭ الدىندا 29 جاستاعى سپورتشى 2017-جىلعى الەم چەمپيوناتىنان سپورتتىق كارەراسىن اياقتاعىسى كەلەتىنىن ايتقان بولاتىن.
ايتا كەتەيىك، ۋسەين بولت التى دۇركىن وليمپيادا چەمپيونى.
Baq.kz
