11:59, 22 - ناۋرىز 2016 | GMT +5
فرانسۋزدىق شىڭعا ورمەلەۋشى پاريجدەگى كوپ قاباتتى ءۇيدىڭ ۇشار باسىنا ساقتىق شاراسىنسىز شىقتى
استانا. قازاقپارات - بەلگىلى فرانسۋزدىق شىڭعا ورمەلەۋشى الەن روبەر پاريجدە 187 مەترلىك ءزاۋلىم عيماراتتى ساقتىق شاراسىنسىز باعىندىردى، دەپ حابارلادى Gazeta.ru Le Parisien-گە سىلتەمە جاساپ.
ورمەكشى- ادام دەپ اتاعى جايىلعان 53 جاستاعى ەر ادام لا-دەفانس ىسكەرلىك ورامىنداعى Total كومپانياسى عيماراتىنىڭ شاتىرىنا 45 مينۋتتا شىعىپ الدى.
بىرنەشە جىلدا بۇل ادام الەمنىڭ كوپتەگەن ەلدەرىندە بولدى. 100 دەن استام ءزاۋلىم عيماراتقا ورمەلەگەن. گيننەسستىڭ رەكوردتار كىتابىنىڭ رەكوردسمەنى. سونىڭ ىشىندە ول ماسكەۋدەگى م گ ۋ عيماراتىن جانە الەمدەگى ەڭ بيىك عيمارات - دۋبايداعى 828 مەترلىك بۋردج-حاليفا عيماراتىنىڭ ۇشار باسىنا شىققان.
