مۇناي باعاسى ا ق ش- تىڭ بۇرعىلاۋ قوندىرعىلارىن قايتا باعالاۋ جاعدايىندا تاعى دا ءوستى

استانا. قازاقپارات - مۇنايدىڭ الەمدىك باعالارى دۇيسەنبى كۇنگى ساۋدا-ساتتىق بارىسىندا قايتادان ءوستى.

بۇعان ساۋدا-ساتتىق مالىمەتتەرى دالەل، - ينۆەستورلار اقش- تاعى مۇناي بۇرعىلاۋ قوندىرعىلارىنىڭ سەرپىنى مالىمەتتەرىن قايتا باعالادى جانە ولارداعى وڭ جاقتارىن اتاپ ءوتتى.

ماسكەۋ ۋاقىتىمەن 20:52 دە سولتۇستىك تەڭىزدىك Brent ماركالى مۇناي قوسپاسىنىڭ مامىرداعى فيۋچەرستەرى 0,61 پايىز ءوسىپ، باررەلى 41,45 دوللار بولدى. WTI ماركالى مۇنايدىڭ مامىر فيۋچەرستەرىنىڭ باعاسى 0,92 پايىزعا ارتىپ، باررەلى 41,52 دوللارعا جەتتى.

Baker Hughes, ەسەبىنە سايكەس وتكەن اپتادا امەريكاندىق كومپانيالاردىڭ مۇناي بۇرعىلاۋ قوندىرعىلارىنىڭ سانى 2015-جىلدىڭ سوڭىنان بەرى العاش رەت 0,26 پايىزعا، ياعني 387 داناعا ءوستى. سوڭعى 12 اپتا بويى بۇرعىلاۋ قوندىرعىلارىنىڭ سانى قىسقارىپ كەلگەن بولاتىن.

ساراپشىلار بۇرعى سانى ارتقانمەن، تاياۋداعى اپتالار مەن ايلاردا ا ق ش- تا مۇناي ءوندىرۋ شۇعىل قىسقارادى دەگەن بولجام جاساۋدا.