جامبىل وبلىسىندا ناۋرىز مەيرامى مەرەكەلەنۋدە - فوتو
مۋزىكالىق جانە ءبي انسامبلدەرىنىڭ قاتىسۋىمەن مەرەكەلىك كونسەرتتەر، سپورت جارىستارى، جاپپاي حالىق سەرۋەنى وبلىس ورتالىعى مەن ەلدى مەكەندەردىڭ بارلىق تۇپكىرىندە وتۋدە.
جامبىل وبلىسى اكىمىنىڭ باسپا ءسوز قىزمەتىنەن حابارلاعانداي، ناۋرىز مەيرامى قارساڭىندا وڭىردە ءبىرقاتار شارالار، سونىڭ ىشىندە اباتتاندىرۋ سەنبىلىكتەرى، سۋرەتشىلەر مەن قولونەر شەبەرلەرىنىڭ «ناۋرىز-2016» وبلىستىق كورمەسى، «قوش كەلدىڭ، ۇلىستىڭ ۇلى كۇنى» بۇقارالىق شاراسى ءوتتى.
21- ناۋرىزدا تارازدىڭ ورتالىعىندا كيىز ءۇي قالاشىعى ورناتىلىپ، قوناقتار ناۋرىز كوجەدەن ءدام تاتتى. سونداي-اق مول داستارقان جايىلىپ، التىباقان قۇرىلدى، مەرەكەلىك ساۋدا قىزدى.
«اتشابار» سكۆەرىندە ەتنومادەني ورتالىقتار قويىلىمدارىن كورسەتتى، بۇركىتشىلەردىڭ قاتىسۋىمەن ۇلتتىق سپورت تۇرلەرىنەن جارىستار ءوتتى.
كەشكى شارالار «دوستىق» الاڭىنداعى مەرەكەلىك وتشاشۋمەن اياقتالدى.
22- ناۋرىزدا دا «دوستىق» ورتالىق الاڭىندا مەرەكەلىك كونسەرتتەر، سونداي-اق حالىق سەرۋەنى وتەدى.
مەرەكەلىك شارالار 24- ناۋرىزعا دەيىن جالعاسادى.
