ب ۇ ۇ باس حاتشىسى جەر تۇرعىندارىن ناۋرىز مەرەكەسىمەن قۇتتىقتادى

 استانا. قازاقپارات - ب ۇ ۇ باس حاتشىسى پان گي مۋن جەر تۇرعىندارىن حالىقارالىق ناۋرىز مەرەكەسىمەن قۇتتىقتادى، دەپ حابارلادى ۇيىمنىڭ باسپا ءسوز قىزمەتىنەن.

 «بۇل مەرەكەنى تويلايتىن جانە ونى مەرەكەلەۋگە ورتاقتاسا الاتىن ادامداردى ناۋرىز مەيرامىمەن قۇتتىقتايمىن. ناۋرىز - بۇل بۇگىنگى الەمدە وزەكتىلىگىن جويماعان كونە ءداستۇر. ونى سيپاتتايتىن دوستىق، ىنتىماقتاستىق رۋحى جانە قورشاعان ورتانى قورعاۋ بىرىككەن ۇلتتار ۇيىمىنىڭ قۇندىلىقتارىمەن ۇندەس» ، - دەلىنگەن باس حاتشىنىڭ مالىمدەمەسىندە.

پان گي مۋن «بۇكىل الەم بويىنشا بۇل مەرەكەنى تويلايتىن ءجۇز ميلليونداعان جان ادامي تاجىريبەنىڭ اۋقىمدى سپەكترىن جۇزەگە اسۋىن سيپاتتايتىنىن» اتاپ ءوتتى. باس حاتشى ولاردىڭ داستۇرلەرى ارالۋاندىلىعىمەن ەرەكشەلەنەدى دەپ ەسەپتەيدى.

«ناۋرىزدى تويلاۋعا بايلانىستى شارالار كوكتەمگى كۇن مەن ءتۇننىڭ تەڭەلۋى كەزىندەگى جاڭعىرۋعا دەگەن قۇرمەت. بۇل ادامداردى جاڭا جەتىستىكتەرگە شابىتتاندىرادى» ، - دەپ اتاپ ءوتتى پان گي مۋن.

 ول ناۋرىز ءدىني جانە وزگە دە كەلىسپەۋشىلىكتى جويىپ، قوعامدى بىرىكتىرەتىن مەرەكە دەپ سانايدى. وسىنداي ورتاق ماقسات تاريحتىڭ بۇگىنگى كەزەڭىندە ادامزاتتىڭ العا ورلەۋىنە كومەكتەسە الادى، دەدى ب ۇ ۇ باس حاتشىسى.

 ەسكە سالا كەتەيىك، 2010 -جىلى 23 - اقپاندا ازەربايجان، البانيا، اۋعانستان، بۇرىنعى يۋگوسلاۆيالىق ماكەدونيا رەسپۋبليكاسى، ءۇندىستان، يران (يسلام رەسپۋبليكاسى) ، قازاقستان، قىرعىزستان، تادجىكستان، تۇركىمەنستان جانە تۇركيا باستاماسىمەن باس اسسامبلەيا 21 -ناۋرىزدى حالىقارالىق ناۋرىز كۇنى دەپ جاريالادى.