ناۋرىز - ەڭسەسى بيىك ەلدىكتىڭ مەرەكەسى - ن. نوعايەۆ، ب ق و اكىمى
«جىل اينالىپ قايتا كەلگەن ءاز-ناۋرىزبەن بارشاڭىزدى شىن جۇرەكتەن قۇتتىقتايمىن! ىقىلىم زاماننان بەرى حالىق ساناسىندا ناۋرىز ايى سۇلۋلىق پەن جاسامپازدىقتىڭ، بەيبىتشىلىك پەن كەلىسىمنىڭ بەلگىسى بولىپ تابىلادى.
ەلباسى ن. نازاربايەۆ ءار كەز ءبىزدىڭ باستى بايلىعىمىز - بەرەكە-بىرلىگى جاراسقان حالقىمىز ەكەندىگىن باسا ايتىپ كەلەدى.
قازاقستان بارلىق ەتنوستاردىڭ وزىندىك جارقىن بولمىسى مەن بەكەم بىرلىگى اراسىنداعى ۇيلەسىمدىلىكتى ساقتاپ، ەلىمىزدىڭ الەۋمەتتىك-ەكونوميكالىق دامۋىن نىعايتا وتىرىپ، قارىشتى العا قادام باسۋدا.
بۇل مەرەكە - ەڭسەسى بيىك ەلدىكتىڭ، ىرگەسى سوگىلمەس بىرلىك پەن ىنتىماقتىڭ مەرەكەسى.
پەيىلى دالاسىنداي دارحان جۇرتىمىز قاشاندا ۇلىستىڭ ۇلى كۇنىن اق داستارحان جايىپ، اق تىلەكپەن قارسى الىپ وتىرعان. ەلدىڭ سۇتتەي ۇيىعان تىنىشتىعىن، حالىقتىڭ ىرىستى ىنتىماعىن تىلەگەن. بۇلاق كوزىن اشىپ، تال ەگىپ، كومەككە دىلگەر ادامدارعا قول ۇشىن بەرىپ، ساۋاپتى ىزگى ىستەرمەن اينالىسقان. ۇرپاقتان ۇرپاققا ۇزدىكسىز جالعاسىپ كەلە جاتقان وسىنداي يگى داستۇرلەر كەڭ ءورىس الىپ، تىڭ مازمۇنمەن بايىپ وتىرعانىنا بۇگىن بارشامىز كۋامىز.
ەندەشە، كوپ ۇلتتى قازاقستان حالقىنىڭ ءوز مۇمكىندىكتەرىنە دەگەن سەنىمدەرى ارتا ءتۇسىپ، جارقىن بولاشاق جولىنداعى جارقىن ىستەرىنە قۋات بەرسىن. ۇلىس وڭ بولسىن! اق مول بولسىن!
ءار شاڭىراققا شاتتىق پەن ب ا ق- بەرەكە تىلەيمىن، ويعا العان بارلىق ارمان-ماقساتتارىڭىز جۇزەگە اسسىن!» دەلىنگەن قۇتتىقتاۋدا.
