استانا تۇرعىندارى مەن قوناقتارى ناۋرىز مەيرامىن تويلاۋدا - فوتو، كەسكىن

استانا. قازاقپارات - ەلوردا تۇرعىندارى مەن قوناقتارى ناۋرىز مەيرامىن حالىقتىق سەرۋەنمەن، ءان ايتىپ، ءبي بيلەپ ءداستۇرلى تاعامدارمەن قارسى الۋدا.

قالانىڭ بىرنەشە الاڭدارىندا مەرەكەلىك شارالار ءوتىپ جاتىر. باستى شارالاردىڭ ءبىرى «قازاق ەلى» مونۋمەنتى الدىنداعى الاڭدا بولدى. مۇندا ادەتتەگىدەي، كيىز ۇيلەر تىگىلىپ، سپورت جارىستارى ۇيىمداستىرىلدى، التىباقان ورناتىلىپ، كونسەرتتىك باعدارلاما كوپشىلىك نازارىنا ۇسىنىلدى.

حالىق اراسىندا كۇرەس، گىر سپورتى، ارمرەستلينگ، ارقان تارتۋ، اسىق اتۋ جارىستارى وتكىزىلدى. قالالىق مادەنيەت مەكەمەلەرى بولسا، ادامدارعا كوتەرىڭكى كوڭىل-كۇي سىيلاۋدا. اشىق اسپان اياسىندا ءوتىپ جاتقان مەرەكەگە ەلىمىزدىڭ باسقا وڭىرلەرىنەن جانە شەت ەلدەردەن كەلگەن قوناقتار دا قاتىسۋدا.

ايتا كەتەر جايت، مەرەكەلىك شارالار «بايتەرەك» مونۋمەنتىنىڭ الدىنداعى الاڭدا، سونداي-اق قالالىق الاڭدا دا ءوتىپ جاتىر.