استانا قالالىق سوتىندا «ەڭ ۇزدىك كيىز ءۇي» باسەكەسى ۇيىمداستىرىلدى
كەشە سوت ماڭىنا تولە ءبي، قازىبەك ءبي، ايتەكە ءبي، ماڭگىلىك الاش ەلى جانە ەسىل اۋىلى اتانعان 5 كيىز ءۇي قۇرىلىپ، دۋماندى كەش اسەم سازدى ءان مەن كۇمبىرلەگەن ءتاتتى كۇيگە ۇلاستى.
سالتاناتتى شارانى ق ر جوعارعى سوتىنىڭ ءتوراعاسى قايرات ءمامي اشىپ، ۇلىستىڭ ۇلى كۇنى ءاز ناۋرىز مەيرامىمەن قۇتتىقتادى.
استانا قالالىق سوتىنىڭ ءتوراعاسى تىلەكتەس بارپىبايەۆ ناۋرىز بەرەكە مەن بىرلىكتىڭ، تازالىق پەن تاتۋلىقتىڭ، رياسىز شاتتىقتىڭ، كوتەرىڭكى كوڭىلدىڭ باستاۋى بولىپ، ەلگە قۇت-بەرەكە دارىتاتىن، رۋحاني تازارتاتىن، ادامزاتتى باقىتقا، قۋانىشقا بولەيتىن تاماشا مەرەكە ەكەنىن ايتىپ، بارشا قاۋىمدى ۇلىس مەيرامىمەن قۇتتىقتادى.
«ۇلىستىڭ ۇلى كۇنى ەلىمىزگە، جەرىمىزگە قۇت - بەرەكە الا كەلسىن! ۇلىس وڭ بولىپ، ءاربىر كۇنىمىز ناۋرىز كۇنىندەي شۋاقتى بولسىن! شاڭىراعىڭىزعا قىدىر قونىپ، باق دارىسىن!»، - دەدى سوت ءتوراعاسى تىلەكتەس بارپىبايەۆ.
شارا اياسىندا «ەڭ ۇزدىك كيىز ءۇي» سايىسىنان جارىس ۇيىمداستىرىلىپ، ءبىرىنشى ورىن «ماڭگىلىك ەل»، ەكىنشىنى ايتەكە ءبي، ال ءۇشىنشى ورىندى ەسىل اۋىلى ەنشىلەدى. «ارقان تارتۋدان» استانا قالاسى مامانداندىرىلعان اۋدانارالىق اكىمشىلىك سوتى ۇزدىك شىقتى.
دۋماندى شاراعا قاتىسقان جوعارعى سوت ءتوراعاسى قىزمەتىن اتقارعان، ارداگەر سۋديا ميحايل فەدوروۆيچ، پارلامەنت سەناتىنىڭ دەپۋتاتى ب. بەكنازاروۆ وزدەرىنىڭ جۇرەكجاردى تىلەكتەرىن ارنادى، دەپ حابارلايدى استانا قالالىق سوتىنىڭ باسپا ءسوز قىزمەتى.
