00:22, 23 - ناۋرىز 2016 | GMT +5
الماتىدا «ءبيشى» اۆتوكولىكتەردىڭ جۇرگىزۋشىلەرى جازالاندى - كەسكىن
استانا. قازاقپارات - الماتىدا جول قوزعالىسى ەرەجەسىن بۇزعان كورتەج اۆتوكولىكتەرىنىڭ جۇرگىزۋشىلەرى جازالاندى، - دەپ حابارلايدى Tengrinews.kz ءتىلشىسى قالالىق ءى ءى د باسپا ءسوز قىزمەتىنە سىلتەمە جاساپ.
ايتا كەتەيىك، الماتىدا كۋاگەر «ءبيشى» اۆتوكولىكتەردى ۆيدەوعا ءتۇسىرىپ الدى. ۆيدەودان بىرنەشە اۆتوكولىكتى كورۋگە بولادى. كورتەجدە ەكى Mercedes Benz، ءبىر Toyota Camry مەن قارا ءتۇستى ەكى Lada ماركالى كولىك بولعان. ولاردىڭ بارلىعى «اپاتتىق بەلگىسىن» قوسىپ الىپ ءجۇرىپ بارادى. نازارعا ەرەكشە ىلىككەنى Lada بولدى، ول اراسىندا جولدىڭ قارسى باعىتىنا شىعىپ، جولدا «بيلەپ» بارا جاتتى.
پوليتسەيلەردىڭ حابارلاۋىنشا، ەكى جۇرگىزۋشىگە قاتىستى اكىمشىلىك حاتتاما تولتىرىلدى. Lada اۆتوكولىگىن باسقارعان 18 جاستاعى جۇرگىزۋشىگە جولدىڭ قارسى باعىتىنا شىعىپ كەتكەنى ءۇشىن ايىپپۇل سالىندى، ال Toyota Camry جۇرگىزۋشىسى ەرەجە بۇزعانى ءۇشىن جازالاندى.
