اداممەن سويلەسكەندە اڭگىمە تاقىرىبىنا وراي بەت الپەتىن وزگەرتەتىن روبوت جاسالدى - كەسكىن

استانا. قازاقپارات - Hanson Robotics كومپانياسى SXSW شاراسى بارىسىندا سوفيا ەسىمدى روبوتتى تانىستىردى.

ونىڭ «تەسىپ جىبەرەردەي كوز قاراسىنان» سەسكەنگەن جۋرناليستەر ءبىر كۇندەرى بۇل «ادامزاتتى جويىپ جىبەرەدى» دەپ باعا بەردى. سوفيانىڭ بەت ءپىشىمى سويلەگەن كەزدە ادامداردىكىندەي قۇبىلادى. قارسىسىنداعىنىڭ كوزىنە تۋرا قارايدى، باسىن يزەيدى، ادامعا ءتان باسقا دا قيمىلدار جاسايدى.

سوفيانىڭ بەت الپەتى مەن مويىنى تەرىگە ۇقساس ماتەريالدان جاسالعان. Character Engine AI باعدارلامالىق قامتاماسىز ەتۋ كومەگىمەن ايتىلعان تاقىرىپتى ءتۇسىنىپ، اڭگىمە- دۇكەن قۇرا الادى. كوزىندە جانىنداعى ادامدى تانۋعا ارنالعان كامەرا ورناتىلعان. كومپانيادا روبوتتار كەلەشەكتە تاقىرىپتىق ويىن- ساۋىق ساياباقتارىنىڭ بولىگىنە اينالىپ، ءتۇرلى پسيحيكالىق، ەموتسيالىق اۋىتقۋشىلىقتارى بار بالالارعا كومەك كورسەتەدى دەپ سانايدى.