قازاقستاننىڭ ق ح ر- داعى ەلشىسى قىتاي ساراپشىلارىن ءماجىلىس سايلاۋىنىڭ الدىن الا قورىتىندىلارىمەن تانىستىردى - فوتو
ش. نۇرىشەۆ قىتاي عالىمدارىنا سايلاۋعا 6 ساياسي پارتيا قاتىسقاندىعىن ايتىپ ءوتتى.
«قازاقستان اۋماعىندا تىركەلگەن 9 ميلليون 811 مىڭ ادام داۋىس بەرۋ ءۇشىن 10 مىڭداي سايلاۋ ۋچاسكەلەرى قۇرىلدى. 77,1 پايىز - داۋىس بەرۋشىلەردىڭ رەكوردتىق سانى تىركەلدى. ەxit poll الدىن الا دەرەكتەر بويىنشا ورىندى پارلامەنتكە وتۋگە قاجەتتى داۋىستى نۇر وتان، اقجول، قازاقستان كوممۋنيستىك حالىق پارتيالارى جينادى»، - دەپ اتاپ ءوتتى ول.
ديپلومات ساراپشىلارعا تاياۋدا ق ر و س ك داۋىس بەرۋدىڭ سوڭعى ناتيجەلەرىن شىعارعاننان كەيىن پايىزدىق اراقاتىناسقا قاراي پارلامەنتتىڭ تومەنگى پالاتاسىنىڭ 107 دەپۋتاتى ايقىندالاتىنىن جەتكىزدى، ونىڭ ىشىندە 98 ى پارتيالىق ءتىزىم بويىنشا، 9 ىن ق ح ا سايلايدى.
«سايلاۋدى 1 مىڭعا جۋىق شەتەلدىك بايقاۋشىلار باقىلادى. ولار سايلاۋدىڭ دايىندىعى مەن وتكىزىلۋىنە وڭ باعا بەردى. ولاردىڭ ىشىندە ش ى ۇ باس حاتشىسىنىڭ ورىنباسارى ا. نوسيروۆ باسقارعان ش ى ۇ بايقاۋشىلار ميسسياسى جانە بۇرىنعى ەلشى ياو پەيشەن جەتەكشىلىك ەتكەن ق ح ر بايقاۋشىلار توبى بولدى».
