ناۋرىز مەيرامىندا س. كۋلاگين ەگىز ۇلداردىڭ تۇساۋىن كەستى - فوتو

كوكشەتاۋ. قازاقپارات - ۇلىستىڭ ۇلى كۇنى اقمولا وبلىسىنىڭ اكىمى سەرگەي كۋلاگين باۋىرجان مەن باقىتجان ەسىمدى ەگىز ۇلداردىڭ تۇساۋىن كەستى، دەپ حابارلايدى «قازاقپارات» ح ا ا ءتىلشىسى.

بۇگىن وبلىس ورتالىعىنداعى تاۋەلسىزدىك الاڭىندا ءوتىپ جاتقان  ۇلىستىڭ ۇلى كۇنى - ناۋرىز مەيرامىنا ارنالعان سالتاناتتى شاراعا قاتىسقان ايماق باسشىسى مەرەكەلىك ءتۇرلى شارالاردى تاماشالادى.

ونىڭ ىشىندە ەڭ قىزىعى اتا بابالارىمىزدان قالعان سالت-ءداستۇر سانالاتىن تۇساۋ كەسەر ءراسىمى. وسىنى ارنايى تاماشالاپ كورگەن وبلىس اكىمى س. كۋلاگين بازاربايەۆتار اۋلەتىنىڭ باۋىرجان مەن باقىتجان ەسىمدى ەگىز ۇلدارىنىڭ تۇساۋىن كەسىپ، العاش باسقان قادامدارىنا ساتتىلىك تىلەدى.

اق جاۋلىقتى اجەلەر شاشۋ شاشىپ، جاڭا جىلدىڭ باستالعانىن ايشىقتايتىن كورىنىستەر كورسەتتى.