اۆستراليادا ءولى كەنگۋرۋ كەسىرىنەن ءبىر توپ ۆەلوشاباندوز اۋرۋحاناعا ءتۇستى
ۆەلوشاباندوزداردىڭ ءبىرى جاراقات الىپ، اۋىر جاعدايدا اۋرۋحاناعا جەتكىزىلدى. التى ادام ءتۇرلى دارەجەدە جاراقات الدى، دەپ جازادى theage.com.ua.
وقيعا شەپپارتونعا جاقىن مەلبۋرننان 200 شاقىرىم جەردە ورىن الدى. پوليتسيا وكىلىنىڭ ايتۋىنشا، توعىز ۆەلوشاباندوزدى باستاپ كەلە جاتقان ادام كەنگۋرۋدى كورىپ، بۇرىلىپ ۇلگەرگەنىمەن، ارتىندا كەلە جاتقاندار بايقاماي قالعان.
«قالعاندارى كەنگۋرۋعا سوعىلىپ، ءبىرىنىڭ ارتىنان ءبىرى قۇلاعان»، - دەدى وقيعا ورنىنا جەتكەن پوليتسەيلەردىڭ ءبىرى.
كەيبىرى جالتارامىن دەپ قارسى بەتكە شىعىپ كەلە جاتقان كولىككە سوقتىعىسقان. زارداپ شەككەن 50 جاستاعى ەر ادام كولىك استىندا قالىپ، اۋىر جاراقات الدى. ول مەلبۋرنداعى الفرەدا گوسپيتالىنە جەتكىزىلدى.
شەپپارتون پوليتسياسىنىڭ حابارلاۋىنشا، تاڭ اتىپ كەلە جاتقان كەزدە جولدى بايقاۋ قيىن بولعانىن مالىمدەدى.
