الدىمىزدا پارتيانىڭ سايلاۋالدى باعدارلاماسىن ورىنداۋ مىندەتى تۇر - ا. مىرزاحمەتوۆ
بۇل تۋرالى بۇگىن «نۇر وتان» پارتياسىنىڭ پارلامەنتتىك سايلاۋداعى جەڭىسىنە ارنالعان «بىرلىك! تۇراقتىلىق! جاسامپازدىق!» جەڭىمپازدار فورۋمىندا ءسوز الا وتىرىپ، پارتيا ءتوراعاسىنىڭ ءبىرىنشى ورىنباسارى اسقار مىرزاحمەتوۆ ءمالىم ەتتى.
«جوعارى مارتەبەلى ەلباسى، قۇرمەتتى فورۋمعا قاتىسۋشىلار، قۇرمەتتى پارتيا جاقتاستارى! بارشاڭىزدى پارتيانىڭ كەزەكتى ۇلكەن جەڭىسىمەن قۇتتىقتايمىن. بۇل جەڭىس - ەڭ الدىمەن ەلباسى ساياساتىنىڭ جەڭىسى، ەلباسىنىڭ جەڭىسى. قازاقستاندىقتار وسى ۋاقىتقا دەيىن جەتكەن جەتىستىكتەرىمىزگە وڭ باعاسىن بەرىپ، بولاشاق ءۇشىن ارنالعان باعدارلامالارعا سەنەتىنىن كورسەتتى. بىرلىكتىڭ، تۇراقتىلىقتىڭ، جاسامپازدىلىقتىڭ ماڭىزدى ەكەنىن كورسەتتى. ەندىگى جەردە، ۇلت جوسپارى، «نۇرلى جول»، باسقا دا ستراتەگيالىق قۇجاتتارعا نەگىزدەلگەن پارتيانىڭ جاڭا سايلاۋالدى باعدارلاماسىن ورىنداۋ مىندەتى تۇر»، - دەدى ا. مىرزاحمەتوۆ.
ەستەرىڭىزگە سالا كەتەيىك، بۇگىن ق ر ورتالىق سايلاۋ كوميسسياسى ءماجىلىس سايلاۋىنىڭ ناقتى ناتيجەلەرىن جاريا ەتتى. سايلاۋ قورىتىندىسى بويىنشا، «نۇر وتان» پارتياسىنا 82،15، قازاقستان كوممۋنيستىك حالىق پارتياسىنا 7،14، قازاقستاننىڭ «اق جول» دەموكراتيالىق پارتياسىنا 7،18، «بىرلىك» ساياسي پارتياسىنا 0،29، جالپىۇلتتىق سوتسيال- دەموكراتيالىق پارتياعا 1،18، «اۋىل» حالىقتىق- دەموكراتيالىق پاتريوتتىق پارتياسىنا 2 پايىز سايلاۋشىلاردىڭ داۋىسى بەرىلگەن.
اۆتور: كەنجەكەي توقتامۇرات قىزى
