ايەلدەر نەگە ءالسىز؟

استانا. قازاقپارات - ورالدا ءدىني ەكسترەميزمدى ناسيحاتتاپ، سول ءۇشىن سوتتالعان ازاماتتاردىڭ ايەلدەرىنە ءتۇسىندىرۋ جۇمىستارى جۇرگىزىلە باستادى.

تەرىس ءدىني اعىمدى ۇستانعانداردى رايىنان قايتارۋ ءۇشىن، الماتىدان تەولوگ- ماماندار ارنايى كەلىپتى. مۇنداعى ماقسات - اداسقانداردىڭ كوزىن اشىپ، جات كوزقاراستىڭ تارالۋىنا جول بەرمەۋ. ءقازىر وبلىستا ءدىنتانۋشىلار مەن پسيحولوگتار جانە پوليتسەيلەردەن جاساقتالعان 26 اقپاراتتىق- ناسيحات توبى قۇرىلعان.

"ناماز وقىماعان ادامنىڭ بارلىعى كاپىر دەپ ويلادىق. تۋما- تۋىسقاندارىمنىڭ اراسىندا داستارقانعا وتىرمايتىن ەدىك. ءبىراق ولاي ەمەس ەكەن، مىنا تەولوگ ماماندار سونى ءتۇسىندىردى"، - دەپ اعىنان جارىلدى جازانى وتەۋشىنىڭ ايەلى.

"كۇيەۋلەرى قانداي ءدىندى ۇستانسا، ايەلدەرى دە سونى ۇستانادى. ەگەر ولاردىڭ كۇيەۋلەرى دۇرىستالاتىن بولسا، ايەلدەرى دە دۇرىستالادى. 100 پايىز بارلىعى رايىنان قايتتى دەپ ايتا المايمىز. ءبىراق 90 پايىزى راحمەتىن ايتىپ، كەيبىر نارسەلەردى دۇرىس تۇسىنبەي ءجۇر ەكەنبىز، راحمەت، تاعى دا ءجيى كەزدەسۋ بولىپ تۇرسا، توقتاپ قالماسا دەدى"، - دەيدى ورال قالاسىنداعى رۋ170/2 مەكەمەسى جەدەل ءبولىمىنىڭ اعا جەدەل ۋاكىلى ازامات تولەپوۆ.

استانا تەلەارناسى