باراك وباما مەن دجون كەرري ناۋرىز مەيرامىنا وراي قۇتتىقتاۋ جولدادى

استانا. قازاقپارات - ا ق ش- تىڭ قازاقستانداعى ديپلوماتيالىق ميسسياسىنىڭ باسپا ءسوز قىزمەتى وسى ەلدىڭ مەملەكەتتىك حاتشىسى دجون كەرريدىڭ ناۋرىز مەيرامىمەن قۇتتىقتاۋىن جاريالادى.

«مەن الەمدە ناۋرىز مەيرامىن تويلاپ جاتقان بارشا دوستارىمىزعا پرەزيدەنت وبامانىڭ وسى مەرەكەدە باقىتقا جەتىپ، دەنى ساۋ بولىپ، تابىسقا كەنەلە بەرسىن دەگەن تىلەگىنە قۋانا قوسىلامىن. امەريكالىقتار سەكىلدى ءبىز دە يران يسلام رەسپۋبليكاسىندا، ورتالىق ازيا ەلدەرىندە، كاۆكاز جانە وسىندا، امەريكا قۇراما شتاتتارىندا، كوكتەمنىڭ كەلۋىن جانە جاڭا جىلدى مەرەكەلەۋگە جينالعان ادامدارمەن بىرگە قۋانامىز»، - دەلىنگەن مەمحاتشى حابارلاماسىندا.

سونداي-اق، دجون كەرري ناۋرىز جاڭارۋ مەن تاتۋلاستىق مەرەكەسى ەكەنىن اتاپ وتكەن.

ەسكە سالا كەتەيىك، بۇعان دەيىن استاناداعى ا ق ش ەلشىسى دجوردج كرول قازاقستاندىقتارعا ارنالعان ءۇش تىلدەگى قۇتتىقتاۋىن جولداعان بولاتىن.