لوندوندا حانشايىم ديانانىڭ قۇرمەتىنە باق اشىلادى

استانا. قازاقپارات - لوندوندا حانشايىم ديانانىڭ قۇرمەتىنە باق اشىلادى.

بۇل تۋرالى حانزادا ۋيليامنىڭ رەسمي رەزيدەنتسياسى - كەنسينگتون سارايىندا مالىمدەمە جاسالدى.

كەلەر جىلى تەك قانا بريتاندىقتاردىڭ ەمەس، وزگە دە جۇرتتىڭ سۇيىكتىسىنە اينالعان حانشايىم ديانانىڭ ومىردەن وزعانىنا 20 جىل تولادى.

حانشايىمنىڭ ەسىمىن حالىق جۇرەگىندە ماڭگى ساقتاپ قالۋ ماقساتىندا اشىلاتىن باققا ديانانىڭ اتى بەرىلەدى، دەپ حابارلايدى The Telegraph سايتىنا سىلتەمەمەن 24.ك ز.

قازىر وسى ماقساتپەن قۇرىلعان جوسپاردى ىسكە اسىرۋ جونىنەن جۇمىستار قولعا الىندى. ەگەر بارلىعى ويداعىداي بولسا، باق 2017 -جىلعى تامىزدا اشىلادى.

ەستەرىڭىزگە سالا كەتەيىك، حانشايىم ديانا 1997 -جىلعى 31 -تامىزدا پاريجدە كولىك اپاتىنان قازا تاپقان بولاتىن.