قوعامدىق پىكىر زەرتتەۋ ينستيتۋتى ەكزيت- پۋللدىڭ ستاندارتتى ادىستەمەسى بويىنشا جۇرگىزىلگەن ساۋالناما ناتيجەلەرىن جاريالادى

استانا. قازاقپارات - «قوعامدىق پىكىر» زەرتتەۋ ينستيتۋتىنىڭ اتقارۋشى ديرەكتورى ايگۇل ءسادۋاقاسوۆا ەكزيت- پۋللدىڭ ستاندارتتى ادىستەمەسى بويىنشا جۇرگىزىلگەن ساۋالناما ناتيجەلەرىن جاريالادى.

ونىڭ ايتۋىنشا، ق ر پارلامەنتى ءماجىلىسىنىڭ دەپۋتاتتارىن سايلاۋ كۇنى «قوعامدىق پىكىر» زەرتتەۋ ينستيتۋتى ەكزيت- پۋللدىڭ ستاندارتتى ادىستەمەسى بويىنشا، سايلاۋ ۋچاسكەسىنە بارعان سايلاۋشىلار اراسىندا ساۋالناما جۇرگىزدى. ولارعا «ءسىز قاي پارتياعا داۋىس بەردىڭىز؟»  دەگەن ءبىر عانا ساۋال قويىلدى.

«ول ەلىمىزدىڭ 110 سايلاۋ ۋچاسكەسىندە جۇرگىزىلدى. سايلاۋ ۋچاسكەلەرى ورتالىق سايلاۋ كوميسسياسى ۇسىنعان مالىمەتتەر نەگىزىندە كەزدەيسوق تاڭدالىنىپ الىندى. بۇل ادىستەمە بويىنشا، سايلاۋ ۋچاسكەسىنەن شىققان ءاربىر بەسىنشى سايلاۋشىدان جاۋاپ الىندى. ساۋالناماعا بارلىعى 30 مىڭ ادام قاتىستى. ىرىكتەمە قاتەلىگى +\- 0,8 پايىزدى قۇرادى. ساۋالناما جۇرگىزۋگە رەسپۋبليكانىڭ بارلىق ايماقتارىندا 200-گە جۋىق ينتەرۆيۋەرلەر تارتىلىپ، ولار سايلاۋ ۋچاسكەلەرىندە تاڭعى ساعات 07:00-دەن كەشكى 20:00-گە دەيىن جۇمىس ىستەدى»، - دەدى ول استانادا وتكىزگەن بريفينگ بارىسىندا.

 «سونىمەن، ەكزيت- پۋلل ناتيجەسى كەلەسىدەي: «نۇر وتان» پارتياسىنا - 82,15 پايىز، قازاقستان كوممۋنيستىك حالىقتىق پارتياسىنا -7,15  پايىز، «اقجول» پارتياسىنا - 7,17 پايىز، «بىرلىك» پارتياسىنا - 0,31 پايىز، جالپى ۇلتتىق سوتسيال- دەموكراتيالىق پارتياعا - 1,19 پايىز، «اۋىل» پارتياسىنا - 2,03 پايىز سايلاۋشى داۋىس بەردى»، - دەپ اتاپ ءوتتى ا. ءسادۋاقاسوۆا.