قازاقستان ىستامبۇلداعى تەراكتىگە بايلانىستى مالىمدەمە جاسادى
قازاقستان تۇركيا ۇكىمەتىنە تولىق قولداۋ كورسەتەتىنىن راستايدى جانە ونىڭ تەرروريزمگە قارسى كۇرەسىنە نيەتتەستىك بىلدىرەدى. الەم قاۋىمداستىعىنىڭ مۇشەسى رەتىندە قازاقستان تۇركياداعى جاعدايعا الاڭداۋشىلىعىن بىلدىرە وتىرىپ، تەرروريزمدى ونىڭ بارلىق تۇرلەرىندە جانە كورىنىستەرىندە ءۇزىلدى- كەسىلدى ايىپتايدى جانە بۇل قۇبىلىستى جويۋ ءۇشىن الەم قاۋىمداستىعىنىڭ بىرلەسە كۇش سالۋىن قولدايدى.
قازاقستان تەرروريستىك ارەكەتتەر بۇكىل الەمنىڭ قاۋىپسىزدەگى ءۇشىن قاۋىپ-قاتەر دەپ سانايدى. حالىقارالىق قۇقىق قاعيدالارىنا جانە بىرىككەن ۇلتتار ۇيىمى (ب ۇ ۇ) قاۋىپىزدىك كەڭەسىنىڭ ءتيىستى رەزوليۋتسيالارىنا جۇگىنە وتىرىپ، قازاقستان الەمنىڭ بارلىق ەلدەرىن تەرروريزم مەن ەكسترەميزمنىڭ جايىلۋىنا قارسى ب ۇ ۇ اياسىندا بىرلەسە ارەكەت جاساۋعا شاقىرادى.
سوندىقتان قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆ بۇۇ شەڭبەرىندە جاسالعان بايانداماسىندا جاھاندىق تەرروريزمگە قارسى كواليتسيا (جۇيە) قۇرۋ جايىندا باستامانى جاريالاعان بولاتىن، دەپ حابارلايدى ق ر س ءى م باسپا ءسوز قىزمەتى.
www.24.kz
