18:43, 20 - ناۋرىز 2016 | GMT +5
ءانشى ەرنار ايدار موڭعوليالىق سۋموشىمەن نە ءۇشىن كەزدەستى؟
استانا. قازاقپارات - ءانشى ەرنار ايدار موڭعوليانىڭ استاناسى ۋلان باتوردا ناۋرىز مەرەكەسىنە وراي جەكە كونتسەرتىن بەرىپ، موڭعول حالقىنىڭ قوشەمەتىنە بولەندى، دەپ حابارلايدى Baistars.kz. كونسەرت انشلاگپەن ءوتىپ، انشىمەن سۋرەتكە ءتۇسىپ، جۇزدەسكىسى كەلەتىندەردىڭ سانىندا شەك بولمادى.
سولاردىڭ ءبىرى موڭعوليالىق سۋموشى، 68- چەمپيوناتتىڭ جەڭىمپازى اساشيريۋدىڭ اعاسى سەرجبۇدەە دولگورسۇرەن بولدى. ول ءانشى مەن ونىڭ كومانداسىن ناۋرىز مەرەكەسىمەن قۇتتىقتاپ، ارنايى كەزدەسۋگە كەلگەن. ەرنار سۋموشىنىڭ وزىمەن كەزدەسۋگە ىقىلاسى بار ەكەنىن بىلدىرگەندە، اعاسى، ءارى كونسەرتتى موڭعوليادا ۇيىمداستىرۋشى سىرىم تاۋ سۋموشى اساشيريۋ جانە ونىڭ اكەسىمەن كەزدەسۋدى ۇيىمداستىرىپ بەرگەن. كەزدەسۋ بارىسىندا ەكى ەلدىڭ تاتۋلىعى، ونەر مەن مادەنيەت جايلى ءسوز قوزعالىپ، اعا-باۋىر بولىپ اڭگىمەلەسىپ قايتقان.
موڭعوليانىڭ استاناسى ۇلان-باتورعا گاسترولدىك ساپار بارىسىندا ەرنار ايدار قالانىڭ كورىكتى جەرلەرىن ارالاپ، سۋرەتكە ءتۇستى.
