17:59, 20 - ناۋرىز 2016 | GMT +5
يسپانيادا ستۋدەنتتەر وتىرعان اۆتوبۋس جول اپاتىنا ۇشىرادى
استانا. قازاقپارات - يسپانيادا سولتۇستىك- شىعىستاعى كاتالونيا پروۆينسياسىنداعى باستى ماگيسترالدىڭ بىرىندەگى ءىرى جول اپاتى سالدارىنان ادامدار جاراقاتتانىپ، قازا تاپتى.
جەرگىلىكتى ۇكىمەتتىڭ حابارلاۋىنشا، جەكسەنبى كۇنى تاڭەرتەڭ ىشىندە شامامەن 50 جولاۋشىسى بار اۆتوبۋس ۆالەنسيا مەن بارسەلونا اراسىنداعى AP7 جولىندا اپاتقا ۇشىرادى، دەپ حابارلادى bbc اگەنتتىگى.
وقيعا ورنىنا قۇتقارۋشىلار مەن جەدەل جاردەم بريگادالارى جونەلتىلدى.
ۇكىمەتتىڭ مالىمدەمەسىندە جاپا شەككەندەردىڭ سانى اتالمادى. فرانس پرەسس اگەنتتىگى جەرگىلىكتى بيلىككە سىلتەمە جاساي وتىرىپ 14 ادام اجال قۇشقانى تۋرالى حابارلادى.
اۆتوبۋستا ۆالەنسياداعى فەيەرۆەرك فەستيۆالىنەن قايتا ورالعان ءبىر توپ ستۋدەنت وتىرعان.
