شىعىس قازاقستاننىڭ التاي وڭىرىندە ەجەلگى جىلان-ادامدار ءومىر سۇرەدى

استانا. قازاقپارات - عالىمداردىڭ ايتۋىنشا التايدىڭ قازاقستانداعى بولىگىندە ەرەكشە تىلسىم كۇشتەرگە يە اگارتي دەپ اتالاتىن جەراستى قالاسى بار.

بۇل تۋرالى express-k.kz حابارلايدى.

استانالىق زەرتتەۋشى ەرسايىن شىعايەۆ و ب ب- نىڭ ەكس- اگەنتى ەدۆارد سنوۋدەننىڭ جەراستىندا مەكەن ەتەتىن ەرگەجەيلى ادامدار جايلى ايتقان پىكىرىنەن كەيىن وسىنداي بايلام جاساعان.

ەندى استانالىق عالىمدار التاي ولكەسىنە زەرتتەۋ جۇرگىزىپ، اگارتي پاتشالىعىنىڭ قۇپياسىن اشپاق.

«التايدا بەلۋحا اتتى تاۋ بار. بارلىق بۋددالىقتار بەلۋحانى بۋددانىڭ وتانى دەپ سانايدى. ەجەلگى نانىمعا سايكەس، بۋددا گاۋتاما ناگي جىلان- ادامىنىڭ ناسىلىنەن بولعان. ناگيلەر سول جەراتىنداعى ەجەلگى حالىقتاردىڭ ءوزى بولۋ مۇمكىن»، - دەيدى شىعايەۆ.

ەرسايىن شىعايەۆتىڭ ايتۋىنشا، قولدان سالىنعان جەراستى ۇڭگىرلەرى انتاركتيدادا، اۆستراليادا، كاۆكاز بەن التايدا تابىلعان. عالىمدار ۇڭگىر تۇرعىندارى جىلان ادام كەيپىندە ەكەنىن بولجايدى.

«نەگىزىندە مۇنداي ادامداردىڭ كادىمگى ادامداردان ايىرماشىلىعى - ولار ەنەرگيا كوزىن كۇننەن ەمەس، جەردەن الادى»، - دەيدى ەرسايىن شىعايەۆ.

التاي ولكەسىنىڭ تۇرعىندارى مۇندا كوپتەگەن قىزىقتى جايتتاردىڭ كۋاسى بولعانىن ايتادى. ولار تەمىر جۇمىرتقا، جارتىلاي ادام جارتىلاي جىلان تۇرىندەگى جاراتىلىستى كورگەن ەكەن. ءتىپتى، جەرگىلىكتى اڭشى كىسى جىلقىسىن ىزدەپ ءجۇرىپ، ۇڭگىرگە ءتۇسىپ كەتە جازداپتى.

الان يسايەۆ

stan.kz