09:39, 20 - ناۋرىز 2016 | GMT +5
رەسەي ازاماتشاسى ۇشاقتان كەشىگىپ، اپاتتان امان قالعانىن ايتتى
استانا. قازاقپارات - روستوۆ قالاسىندا اپاتقا ۇشىراعان ۇشاققا كەشىگىپ قالعان رەسەيلىك ەلۆيرا يسايەۆا امان قالعانى ءۇشىن كىمگە العىس ايتارىن بىلمەيدى، دەپ جازادى LifeNews.
ول دۋباي قالاسىندا تۋعان كۇن كەشىندە بولىپ، ەرتەڭىندە ۇشاققا ۇيىقتاپ قالعان.
«قالاي بولعانىن ءوزىم دە تۇسىنەر ەمەسپىن. بۇل تازا كەزدەيسوقتىق. مەن تۋعان كۇندە بولىپ، كەشىگىپ قالدىم. تاڭەرتەڭ ماعان تەلەفون سوعىپ: «ءتىرىسىڭ بە؟» دەگەندەردى باسىندا تۇسىنبەدىم. مەنى پەرىشتەم قاقتى ما، الدە انامنىڭ دۇعاسى قابىل بولدى ما، بىلمەيمىن»، - دەيدى ەلۆيرا يسايەۆا.
