اقتوبە وبلىسىنىڭ ەكى اۋدانىندا توتەنشە جاعداي جاريالاندى - فوتو

استانا. قازاقپارات - 2016-جىلعى 18- ناۋرىزدان بەرى سوعىپ تۇرعان بوراننىڭ سالدارىنان اقتوبە وبلىسىنىڭ حرومتاۋ جانە قارعالى اۋداندارى اكىمدەرىنىڭ شەشىمىمەن جەرگىلىكتى ماسشتابتا تابيعي سيپاتتاعى توتەنشە جاعداي رەجيمى جاريالاندى، دەپ حابارلادى اقتوبە وبلىسىنىڭ توتەنشە جاعدايلار دەپارتامەنتىنەن.

ءوڭىر ازىرگە دۇلەي كۇشتىڭ ىقپالىندا قالىپ، وسىعان بايلانىستى 9 اۆتوكولىك جولدارى جابىق تۇر، ونىڭ 4 ەۋى رەسپۋبليكالىق ماڭىزى بار جولدار. جۇزدەگەن ماشينالار قار قۇرساۋىندا قالىپ، اۋقىمدى قۇتقارۋ وپەراتسيالارى جۇرگىزىلۋدە.

وبلىس جولدارىن تازالاۋعا جانە اۆاريالىق-قۇتقارۋ جۇمىستارىن جۇرگىزۋگە ت ج د، قازاۆتوجول، جەرگىلىكتى اتقارۋشى ورگاندار، ۇلتتىق ۇلاننان 625 ادام مەن 513 بىرلىك تەحنيكا جۇمىلدىرىلدى.

2015-جىلعى 15- ناۋرىز كۇنگى ساعات 9:00 دەن باستاپ بارلىعى 138 ادام قۇتقارىلدى، 1477 ادام، ونىڭ 2 ەۋى بالا جانە 590 بىرلىك تەحنيكا ەۆاكۋاتسيالاندى، 387 ادام جىلىتىلىپ، 660 ادام تاماقپەن قامتاماسىز ەتىلدى.