الدىن الا مالىمەتكە سايكەس رەسەيدە اپاتقا ۇشىراعان ۇشاقتا قازاقستان ازاماتتارى جوق - ق ر س ءى م

استانا. قازاقپارات - رەسەيدە اپاتقا ۇشىراعان ۇشاقتا قازاقستان ازاماتتارى جوق. بۇل تۋرالى قازاقپارات تىلشىسىنە تەلەفون ارقىلى ق ر سىرتقى ىستەر مينيسترلىگى باسپا ءسوز قىزمەتىنىڭ جەتەكشىسى انۋار جايناقوۆ ءمالىم ەتتى.

«الدىن الا اقپاراتقا سايكەس اپاتقا ۇشىراعان ۇشاقتا قازاقستاندىقتار بولعان جوق. ءبىرقاتار ب ا ق- تا ەكيپاج مۇشەلەرى اراسىندا قازاقستاننىڭ ازاماتى نەمەسە تۋماسى بولعاندىعى جايىندا اقپارات تارادى. بۇل مالىمەت قازىرگى ۋاقىتتا تەكسەرىلۋدە»، - دەدى ا. جايناقوۆ.

سونىمەن قاتار ول ناقتى مالىمەتتەر الىنعاننان كەيىن قوسىمشا اقپارات بەرىلەتىندىگىن اتاپ ءوتتى.

ايتا كەتەيىك، دۋبايدان ۇشىپ كەلە جاتقان Boeing 738 جولاۋشىلار ۇشاعى دونداعى روستوۆ قالاسى اۋەجايىنىڭ ۇشۋ-قونۋ جولاعىنىڭ سول جاعىندا قۇلادى. الدىن الا مالىمەتتەر بويىنشا، قايعىلى وقيعا جەرگىلىكتى ۋاقىت بويىنشا ساعات 3:40 تا ورىن العان. اۋە كەمەسىنىڭ بورتىندا 61 ادام بولدى (55 جولاۋشى مەن ەكيپاجدىڭ 6 مۇشەسى). جولاۋشىلاردىڭ اراسىندا ءتورت بالا بار.

اۆتور: مارلان جيەمباي