عالىمدار: جوتەلگە قارسى دارىلەر بالانىڭ دەنساۋلىعىنا زيان

استانا. قازاقپارات - كانادا عالىمدارى جوتەلگە قارسى زاماناۋي دارىلىك پرەپاراتتاردىڭ بالالار دەنسالىعىنا زيان ەكەنىن ايتىپ، ولاردىڭ كەيبىرەۋلەرىنە ءتىپتى تىيىم سالدى.

ماماندار جۇرگىزگەن كولەمدى زەرتتەۋ بارىسىندا اتا-انالاردىڭ جرۆي (جەدەل رەسپيراتورلى ۆيرۋستىق ينفەكتسيا) بەلگىلەرىنە قارسى ءدارى-دارمەكتەردى كوبىنەسە ويلانباي، بالانىڭ جاسىن، سونىمەن قاتار ونىڭ اعزاسىنىڭ ەرەكشەلىكتەرىن ەسكەرمەي ساتىپ الاتىنى انىقتالدى.

دارىگەرلەر بالالارعا ءتىپتى ەرەسەك ادامدارعا قولدانۋعا تىيىم سالىنعان پرەپاراتتار جازىپ بەرەتىنى بەلگىلى بولدى. ماسەلە كەي كەزدە برەندتىك ءدارى-دارمەكتەردىڭ پايداسىنان گورى، جاعىمسىز اسەرىنىڭ كوپ بولۋىندا.

دارىگەرلەر بالانى جان-جاقتى تەكسەرمەستەن، پرەپاراتتاردى «شابلونمەن» جازىپ بەرەدى. سونداي-اق اتا-انالاردىڭ ءوز بالالارىنا دارىلەردى دارىگەرلەرمەن كەڭەسپەي، جارناما نەمەسە تانىستارىنىڭ كەڭەستەرىنە سۇيەنىپ ساتىپ الاتىن جاعدايلار دا ءجيى كەزدەسىپ وتىرادى، دەپ جازادى شەتەلدىك ب ا ق.